Masalimo 24:4 - Chiyawo Bible

⁴ Ŵelewo pewo ŵakusatenda yambone ni yala yawo, ni kuganisya yambone mu mtima mwakwe. Jwele jwangakuganicisya ya unami, soni jwangalumbila mwa unami.

Masalimo 24:4 Iomraidhean Croise

Genesesi 6:5

AMBUJE piŵayiweni kuti yitendo ya ŵandu ŵa pa cilambo capasi yili yakusakala mnope, ni kuti soni nganisyo sya mitima jawo sili syakusakala ndaŵi syosope,

Yobu 17:9

Nambo ŵandu ŵakulungama kusyesyene akusapitilisya kumkulupilila Mlungu, soni ŵandu ŵinganakola ulemwa akusapitilisya kutama mwamacili mu usimu.

Yobu 9:30

Atamose kuti njoje ni sopo cilu cosope kuti naliswejesye,

Masalimo 143:8

Akunde kuti kundaŵi mbikane ya cinonyelo cawo cangamala, ligongo ngwakulupilila ŵalakwe. Andosye litala lyakuti njende. Pakuŵa ngusapeleka umi wangu kwa ŵalakwe.

Masalimo 15:4

Mundu jwelejo ni jwakusiŵanyosya ŵandu ŵakumkana Mlungu, nambo akusiŵacimbicisya ŵandu ŵakwapikanila AMBUJE. Jwalakwejo ni jwakuyitenda yatesile cilanga,* atamose yipwetece camtuli.

Masalimo 18:20

AMBUJE ŵambele une mbote ligongo lyakutenda yayili yambone, ŵambele upile ligongo jwangali ulemwa.*

Masalimo 25:1

Ngupeleka mtima wangu kwa ŵalakwe AMBUJE;*

Masalimo 26:6

Ngusanaŵa myala mwangu kulosya kuti nganindemwa; ngusinatindiŵalila pa malo gakupelecela mbopesi gawo ŵalakwe AMBUJE.

Masalimo 51:10

Ambanganicisye une mtima weswela, conde Mlungu, aŵice mwa une mtima wasambano ni wakutamilicika.

Masalimo 51:12

Ambucisye soni une kusengwa kwa ukulupusyo wawo, alimbisye kuti mbe ni mtima wakwapikanicisya.

Masalimo 73:1

Kusyene Mlungu ali jwambone kwa Aisalaeli kwa ŵele ŵakwete mtima ŵakulungamika ni kwa ŵandu ŵakwete mtima wawuswela.

Misyungu 20:9

Nduni jwampaka aŵecete kuti, “Une sambano mtima wangu ŵaswela, nganingola ulemwa* uliwose.”

Yelemiya 4:14

Jemanja ŵandu ŵakutama mu Yelusalemu, mtyosye yakusakala m'mitima mwenu kuti mkulupuce. Ana nganisyo syenu timciŵa nasyope mpaka cakaci?

Yelemiya 5:2

Atamose ŵandu akuŵeceta kuti akulambila mu lina lya AMBUJE, nambope akuŵeceta ya unami.

Esek 18:15

Jwangalambila milungu jine ja Aisalaeli kapena kulya nyama jakupelecedwa ku malo gakulambila gakwela mnope. Soni jwangasakasya jwamkongwe jwa jwine jwamlume kapena

Esek 18:6

Jwalakwe jwangalambila milungu jine ja Aisalaeli kapena kulya nyama jakupelecedwa ku matumbi gakulambila. Jwangasakasya jwamkongwe jwa jwine mundu kapena kutama malo gamo ni jwamkongwe jwakulwala ulwele wa kumwesi.

Mala 3:5

AMBUJE Ŵamaciligosope akuŵeceta kuti, “Tinjimyicila pakuŵandika kuti tinamjimbe magambo. Myoyo tinjiŵeceta maloŵe gakusisyana ni ŵakutenda ya matipwi, ŵandu ŵacikululu, ŵakupeleka umboni wa unami, ŵakwajiŵila malipilo ŵamasengo ŵawo, ŵakwasawusya acakongwe ni ŵanace ŵamasije, ni ŵakwatendela acalendo yindu yangalumbana nipo soni ŵele ŵangamjogopa Une.

Matayo 5:8

Ŵana upile ŵandu ŵaswela mitima, pakuti tacimwona Mlungu.

Masengo 14:15

“Ŵandumwe, ligongo cici mkutenda yeleyi? Uwe nowe tuli ŵandu mpela jemanja soni. Tuli apano kulalicila Ngani Syambone, syakuti alece yindu yacabe ni kupitikucila kwa Mlungu jwa umi juŵapanganyisye kwinani, cilambo capasi, nyasa ni yosope yili mwelemo.

Masengo 15:9

Mlungu nganalekanganya kose sikati jetuwe ni jemanjajo, nambo ŵaswejesye mitima jawo ni cikulupi.

2 Akoli 7:1

Acalongo acimjangu, pakuŵa tukwete cilanga* celeci, kwende tutyosye yindu yosope yakusakasya cilu cetu kapena mtima wetu. Nipo pakogopa Mlungu tuliswejesye kuŵa ŵaswela mtima.

Detulonomo 4:19

Mkasimlinga amta panandi kulambila kapena kuyitumicila yindu yimkuyiwona kwinani, mpela lyuŵa, mwesi ni ndondwa. Ligongo AMBUJE Mlungu jwenu ayipelece yindu yeleyi kwa ŵandu ŵa ngosyo sine kuti ayilambileje.

1 Timoseo 1:10

ŵandu ŵalilama, ŵakugonana acalumelumepe, ŵakwiŵa ŵandu, ŵa unami, ŵakulumbila ya unami, ni ŵakutenda cilicose cili cakusisyana ni majiganyo gambone.

1 Timoseo 2:8

Ngusaka kuti palipose acalume pa ndaŵi jakupopela, anyakulileje makono gawo kwa Mlungu mwakumtendela jwalakwejo ulemu, mwangatumbila kapena kukangana.

Yakobo 4:8

Mwaŵandicile Mlungu, nipo Ŵalakwe tacimŵandicila jemanja. Mtyosye nganisyo syakusakala m'mitima jenu, jemanja ŵandu ŵa unakunaku.

Chunukuko 21:27

Nambo mwelemo ngasikajinjila kandu kalikose kakusakala, kapena mundu jwalijose jwakutenda yakusakala kapena jwa unami. Awo pewo ŵele mena gawo galembedwe mu buku ja umi ja Mwanace Jwangondolo jula ni ŵele utacijinjila mu msindamo.