Masalimo 24:2 - Chiyawo Bible

² Pakuŵa ŵalakwe ŵaciŵisile cilambo capasi pa nyasa syekulungwa; ŵacitamice cilambo pa sulo syakusokoka.

Masalimo 24:2 Iomraidhean Croise

Genesesi 8:22

Ndaŵi syosope muticitamile cilambo capasi, tipaciŵa ndaŵi ja kupanda ni ndaŵi ja kugowola. Tipaciŵa ndaŵi jakusisima ni ndaŵi ja citukuta, ndaŵi ja cawu ni ndaŵi ja cuku, soni musi ni cilo.”

Yobu 38:4

Ana mwaliji kwapi pinapanganyaga cilambo capasi? Naga mkumanyilila musalile.

Masalimo 136:6

Ŵacitaŵile cilambo capasi pa nyasa jakusokoka, pakuŵa cinonyelo cawo cili cangamala.

Masalimo 33:6

AMBUJE ŵaŵecete nipo ya kwinani yapanganyidwe, yosope yayili kweleko yapanganyidwe piŵaŵecete jwalakwejo maloŵe gakwe.

Masalimo 89:12

Ŵapanganyisye kumpoto ni kum'mwela. Matumbi ga Taboli ni matumbi ga Helimoni gakwalumba ŵalakwe mwakondwa.

Masalimo 93:1

AMBUJE* ali mwenye. Aliwecice ucimbicimbi ni macili, ŵacitamice cilambo capasi, ngasicitenganyika kose.

Masalimo 95:4

Malo gakusokoka ga cilambo capasi, gali m'makono mwawo; Matumbi gamalewu soni gali gawo.

Masalimo 96:10

Mjisalile mitundu ja ŵandu kuti, “AMBUJE ali mwenye! Elo, cilambo capasi ŵacilimbice, ngasicitenganyika kose; tacijilamula mitundu josope ja ŵandu mwagoloka.”

Yelemiya 5:22

Une ndili AMBUJE, ana ngamkutenda woga ni Une? Ana ngamtetemela pameso pangu? Une ni junaŵisile mcenga kuti uŵe malile ga nyasa, gele nyasajo ngaŵamkomboleka kugapunda. Atamose matumbela gakukume camtuli ngaŵa mkomboleka kupelenganyapo. Atamose matumbela gakukume camtuli, ngaŵa mkomboleka kupelenganyapo.