Masalimo 24:1 - Chiyawo Bible

¹ Cilambo capasi ni yosope yayili mwelemo yili yawo AMBUJE;* cilambo ni wosope ŵakutama mwelemo ali ŵakwe.

Masalimo 24:1 Iomraidhean Croise

1 Mbi 29:11

Wawo AMBUJE ali ŵakulungwa, ali ŵamacili, ali ŵalumbili, ali ŵakupunda nipo soni ŵalakwe ali mwenye. Yindu yosope yakwinani ni pasi pano yili yawo AMBUJE, soni wawo ali mwenye, ŵakulamulila yosope yene.

1 Mbi 29:16

Ŵalakwe AMBUJE Mlungu jwetu, Elo tupelece mituka jetu jeleji kuti ŵataŵile nyumba ŵalakwe, nambo yosopeyi yikutyocela m'magasa mwawo soni yili yawo ŵalakwe.

2 Mbi 25:9

Amasiya ŵamwusisye jwakulocesyajo kuti, “Nambi tiyiŵe uli kumbali ja silifa junalipile kala jemanjajo?” Jwakulocesyajo ŵajanjile kuti, “AMBUJE komboleka kumpa m'mwejo yejinji kupunda yeleyo!”

Yobu 34:13

Ana ŵani ŵaŵakwete macili gakumpa Mlungu ukumu kuti alamulileje cilambo capasi? Ana ŵani ŵaŵaŵisile cilambo capasi myala mwa Mlungu?

Yobu 41:11

Ana ŵani ŵiŵambele une kandu kuti namwucisye jwalakwejo? Yosope ya pasi pa cilambo pano yili yangu.

Yobu 41:3

Ana celeco ticicimŵenda m'mwejo kuti mcitendele canasa?

Masalimo 50:10

Pakuŵa yinyama yosope ya mu ukweti yili yangu, pampepe ni ngo'mbe syasili m'matumbi.

Masalimo 50:12

“Yikaŵeje kuti ndili ni sala ngininimsalila, pakuŵa cilambo cosope ni yosope yayili mwelemo yili yangu.

Masalimo 89:11

Yakwinani yili yawo, cilambo capasi nombe naco cawo. Ŵacipanganyisye cilambo cosope ni yosope yayili mwelemo.

Masalimo 89:12

Ŵapanganyisye kumpoto ni kum'mwela. Matumbi ga Taboli ni matumbi ga Helimoni gakwalumba ŵalakwe mwakondwa.

Masalimo 98:7

Nyimbo jikukume pampepe ni yosope yayikutama mwelemo, cilambo cosope cijimbe pampepe ni ŵandu wosope ŵakutama mwelemo.

Ekisodo 19:5

Sambano, naga timumbikanile maloŵe gangu, ni kusunga cilanga* cangu, timŵe ŵandu ŵangu pasikati pa ngosyo syosope, pakuŵa cilambo cosope capasi cili cangu.

Ekisodo 9:29

Mose ŵamsalile Mwenye jwa ku Iguputo kuti, “Patingopoce mu msinda awuno, tingatambasukule magasa gangu kwa AMBUJE, ni kulindima ni matalila tigalece, kuti m'manyilile kuti cilambo cosope capasi cili ca AMBUJE.

Daniele 4:25

Tacimtyosya sikati ja ŵandu. Timcitama yalumo ni yinyama yamwitinji. Timcilyaga manyasi mpela ng'ombe, nipo mangame tigacimnyoŵesyaga kwa yaka msano ni yiŵili. Pelepo timcijiticisya kuti Mlungu Jwakupunda yosope akasiŵalamula ayimwene wosope ŵa ŵandu, nipo kuti mpaka apakombole kumpa jwalijose ucimwene mwakusacila ŵalakwewo.

Mika 4:13

AMBUJE akuŵeceta kuti, “Jemanja ŵandu ŵa ku Yelusalemu, mjawule mkapelece cilango kwa amagongo ŵenu! Tinimtende jemanja kuŵa ŵakulimbangana mpela ng'ombe jamkambako jajikwete yiboda ya cisyano ca bulonsi ni misengo ja cisyano cakolanjidwa ayiloni. Timcitusulanya mitundu jejinji ja ŵandu, yiŵapindwile jemanjajo, m'mwejo timcija kuyipeleka kwa AMBUJE, yipanje yawo timcija kuyipeleka kwa AMBUJE ŵa cilambo cosope capasi.”

Nahumu 1:5

Matumbi gakusatenganyika pameso pawo, soni matumbi gamwana gakusanyelenyenduka. Cilambo capasi cikusatetemela pameso pa AMBUJE, cilambo ni ŵandu ŵakwe wosope yikusatetemela.

1 Akoli 10:26

Pakuti yilembedwe m'Malemba kuti, “Cilambo capasi ni yosope yili mwelemo yili ya Ambuje.”

Detulonomo 10:14

Kwinani, ni yindu yosope yili kweleko yili yawo AMBUJE, pamo ni cilambo capasi pano ni yosope yili mwelemo.