Masalimo 23:4 - Chiyawo Bible

⁴ Atamose njende m'ciŵata ca cipi; une ngasinjogopa cakusakala cilicose pakuŵa ŵalakwe AMBUJE ali ni une. Cimbonga ni simbo jawo yikunjenjela une.

Masalimo 23:4 Iomraidhean Croise

Yobu 24:17

Wosopewo akusanonyela cipi kulekangana ni lilanguka, pakuti yakogoya yayikusatendekwa mcipi ni yele yakusayimanyilila mnope.

Yobu 3:5

Lisiku linapagwile unelyo liŵe mpela cilo nipo cipi cakwe ciŵe cakogoya mnope.

Masalimo 110:2

Taciwukusya ucimwene wenu wamacili, kutyocela ku Siyoni* kuti mlamulile pasikati pa amagongo ŵenu.

Masalimo 118:6

AMBUJE pakutama kumbali jangu ngangusajogopa, ana mundu mpaka andende cici?

Masalimo 138:7

Atamose ngwenda pasikati pa yisawusyo, ŵalakwe akuwusunga umi ŵangu, akusatambasukula mkono wawo kwalekasya amagongo ŵangu ŵatumbile, mkono wawo wamlyo ukusangulupusya.

Masalimo 14:5

Nambo tiwucakola woga, pakuŵa Mlungu ali nawo pampepe ŵandu ŵakwe ŵakumpikanila jwalakwejo.

Masalimo 3:6

Ngangogopa kose winji wa amagongo ŵangu ŵasyungulile une mbali syosope.

Masalimo 44:19

nambo ŵalakwe ŵatucanyandile ni kutuleka mcipi, pasikati pa makule mcipululu.

Masalimo 46:11

AMBUJE Ŵamaciligosope ali pampepe ni uwe, Mlungu jwa Yakobo ni kwakutilila kwetu.

Yesaya 41:10

Mkatenda woga pakuti Une ndili ni m'mwejo, Une ndili Mlungu jwenu, mkajasa mtima. Tinjimpa macili, soni kumkamucisya, Tinjimcinjilicisya ni mkono wangu wamlyo wakupunda pa ngondo.

Yelemiya 2:6

Jemanjajo, nganasamala kose ya une atamose kuti une nakulupwisye jemanjajo kutyocela ku Iguputo ni kwalongolela jemanjajo mu cipululu. Mcilambo cejumu ni cesokocesokoce cila, mcilambo cacilala ni ca cipi camti bii, mcilambo cangapitamo ŵandu soni kwangatamako ŵandu.

Mika 7:14

Ŵalakwe AMBUJE, ŵalongole ŵandu ŵawo ni simbo ja ŵalakwe jakwacinjilicisya jemanjajo. Mlolele ngondolo siŵasisagwile. Sambano sikutama jikape mu ukwete pasikati pa cilambo ca cajila. Nambo asikunde kuti sikalye ku mopo wambone, ku Bashani ni ku Giliyadi mpela musyatendelaga kalakala.

Sakaliya 11:10

Kaneko najigele simbo jakolanjidwa kuti, “Umbone mtima” ni kujitemangula, kulosya kukasa cilanga* cinalangene ni mitundu josope ja ŵandu.

Sakaliya 11:14

Kaneko natemenye simbo jine jila jakolanjidwa “Umpepe”, kulosya kumasya ulongo sikati ja Yuda ni Isalaeli.

Sakaliya 8:23

Mu ndaŵi jelejo ŵandu likumi kutyocela ku mitundu ja ŵandu ŵakuŵeceta yiŵeceto yakulekangana tacikamula mkanjo wa Myuda ni kuŵeceta kuti, ‘Tulongane nawo, ligongo tupikene kuti Mlungu ali ni ŵalakwe.’ ”

Matayo 1:23

“Mwali tacikola cilu mkanatame ni jwamlume, nipo taciŵeleka mwanace jwamlume, nipo mwanacejo tacimpa lina lyakwe Emanuwele,” lilikugopolela kuti, “Mlungu ali ni uwe.”

Matayo 28:20

ni kwajiganya yosope yele yinamlamulile. Nipo unejo ndili ni jemanja masiku gosope, mpaka mbesi ja cilambo capasi cino.”

Luka 1:79

Lilanguka lyakwe tilicamulicila ŵandu wosope ŵakutama mu cipi soni ŵele ŵakogopa ciwa soni tilicitulongolela uwe mu litala lya mtendele.

2 Timoseo 4:22

Ambuje atame ni jemanja. Umbone mtima wakutyocela kwa Mlungu uŵe ni jemanja wosope.