Masalimo 23:1 - Chiyawo Bible

¹ AMBUJE* ali mkucinga jwangu; ngasisoŵa kandu.

Masalimo 23:1 Iomraidhean Croise

Masalimo 34:11

Myice ŵanangu, ni mumbikane, ni une tinamjiganye jemanja kwajogopa AMBUJE.

Masalimo 78:52

Mlungu ŵakopwesye ŵandu ŵakwe mpela ngondolo, ni ŵalongolele jemanjajo mcipululu mpela yilangwa.

Masalimo 79:13

Sambano uwe ŵandu ŵawo ngondolo sya palulila pawo, tucatogolela ŵalakwe kwa yaka yosope; tucipeleka malumbo kwa ŵalakwe kwa yaka yosope.

Masalimo 84:11

Pakuŵa AMBUJE ŵakutucinjilicisya ŵetu ni mwenye jwetu jwa lumbili, akusatupa upile mwa umbone wakwe mtima ni mwa ucimbicimbi. Jwalakwejo jwangakanya yindu yambone kwa ŵele ŵakwenda mwagoloka.

Yesaya 40:11

Tacisilanga ngondolo syakwe mpela mkucinga. Tacasonganya ŵanace ŵangondolo ni kwanyakula m'miyala mwakwe. Ngondolo sikwete ŵanace tacisilongolela cenene.

Yelemiya 31:10

AMBUJE akuŵeceta kuti, “Jemanja ŵandu ŵa mitundu josope, mumbikanile une, ni kulalicila maloŵe gangu ku yilambo yakwakutalika mungulugulu nyasa. Mlungu juŵapwilingenye Aisalaeli tacasonganya soni. Tacasamalila mpela mwakusamalila mkucinga yilangwa yakwe.

Esek 34:14

Tinjija kusilicisya ku mopo wambone, soni tisicilyaga mopo wakwimbalisya ku matumbi gamalewu ga ku Isalaeli. Kweleko tisikapumuleje pa malo gakulila ga mopo wambone. Sikalyeje mopo wambone wa ku matumbi ga ku Isalaeli.

Mika 5:2

AMBUJE akuti, “M'mwe Betelehemu jwa ku Efulati, m'mwejo mli jimo ja misinda ja mwana mnope ku Yuda, nambo kutyocela mwa m'mwejo tinjiyika ni jwakulamulila pa Isalaeli, jwele ndanda jakwe jili jakalakala mnope.”

Mika 5:4

Jwalakwejo pitaciyika, tacalamulila ŵandu ŵakwe ni macili gagakutyocela kwa AMBUJE ni ucimbicimbi wa lina lya AMBUJE Mlungu jikape. Ŵandu ŵakwe tacitama mu mtendele, pakuti ukulungwa wakwe tiwucitamilicika pa cilambo cosope capasi,

Matayo 6:33

M'malo mwa yeleyi mtande kusosasosa yindu yayili yakusosekwa mnope mu Ucimwene wa Mlungu,* ni tacimpa yine yosope yimkulajila.

Yohana 10:11

“Une ndili mkucinga jwambone, jwakulipeleka kuti mbwe ligongo lya ngondolo.

Yohana 10:14

Une ndili mkucinga jwambone. Mpela Atati akumanyilila une nipo soni une ngwamanyilila Atati, yalumo soni une ngusimanyilila ngondolo syangu nombe nasyo sikumanyilila une. Nipo une ngulipeleka kuti mbwe ligongo lya ngondolosyo.

Ŵaloma 8:32

Jwalakwejo nganakanya Mwanace jwakwe, nambo m'malo mwakwe ŵampelece ligongo lya uwe wosope. Piŵatupele Mwanace jwakwepo, ana jwalakwejo ni mpaka alepele kutupa yosope mwalulele?

Ŵafilipi 4:19

Mlungu jungusinamtumicila une akwete yipanje yejinji, nipo tacimpa yosope yimkuyisoŵa kupitila mwa Klistu Yesu.

Ŵaeblania 13:20

Mlungu ŵajimwisye Ambuje ŵetu Yesu ku ŵawe, jwele jwali Jwamkulungwa Jwakucinga ngondolo, ligongo lya ciwa cakusimicisya cilanga* cangali pambesi.

1 Petulo 2:25

Mwaliji mpela ngondolo syakusokonecela, nambo sambano mwujilile kwa mkucinga jwali jwakumlolela jemanja.

1 Petulo 5:4

Nipo pitaciyika Mkucinga Jwamkulungwa, timcipocela mbote ja cisindi cangasuluka.

Chunukuko 7:17

ligongo lyakuti Mwanace Jwangondolo, jwele jwali sikati ja citengu ca Ucimwene, taciŵa mkucinga jwawo, tacalongolela jemanjajo ku nduluko sya mesi ga umi, soni Mlungu tacapukuta misosi josope m'meso mwawo.”