Masalimo 20:3 - Chiyawo Bible

³ Akunde kuyipocela yakupeleka yenu, ni akunde kujikumbucila mbopesi jakoca jenu.

Masalimo 20:3 Iomraidhean Croise

Genesesi 4:4

Abele nombe nawo ŵajigele mwanace jwandanda kupagwa mwa jimo ja ngondolo syakwe, ni ŵajipelece mbopesi kwa AMBUJE, pamo ni mawuta gakwe. Mlungu ŵasangalele ni Abele, ni ŵajipocele mbopesi jakwe.

1 Mbi 21:26

Daudi ŵataŵile AMBUJE malo gakupelecela mbopesi pa malogo ni ŵapelece mbopesi syakutinisya ni mbopesi sya mkamulano. Daudi ŵapopesile, nipo AMBUJE ŵamjanjile pakutumisya moto kutyocela kwinani kuti ujoce mbopesi syosope sisyaliji pa malo gakupelecela mbopesigo.

2 Mbi 7:1

Piŵamasile kupopela Mwenye Solomoni, moto watulwice kutyocela kwinani, nipo wajocile mbopesi syosope sisyapelecedwe, nipo lilanguka lyakunyesima lya AMBUJE* lyagumbele m'Nyumbamo.

Masalimo 128:5

AMBUJE jwakutama ku Siyoni* ampe upile mgaŵane nawo yambone ya mu Yelusalemu masiku gosope ga umi wenu.

Masalimo 134:3

AMBUJE, ŵele ŵaŵapanganyisye cilambo cakwinani ni cilambo capasi ampe upile kutyocela ku Siyoni* kwakutama!

Masalimo 51:19

Pelepo ŵalakwe tacisecelela ni mbopesi syakwenela, mbopesi syakoca ni syakoca syambumbu, ni tacipeleka ng'ombe sya mikambako pacanya pa malo gakupelecela mbopesi gawo.

Yesaya 60:7

Yilanga yosope ya ku Kedala taciyisonganya kumangwenu, ngondolo syasilume sya ku Nebayoti tisicimkamucisya naga mkusisosa. Tisicipelecedwa pa malo gakupelecela mbopesi mpela mbopesi. Myoyo Une jundili AMBUJE tinjipeleka ku nyumba jangu lumbili lwekulungwa kupunda kala.

Lefitiko 9:24

Mwacisisimucila moto wakutyocela kwa AMBUJE, watinisye mbopesi jakutinisya ni mawuta gakutyocela ku mbopesi sine, gagaliji pa malo gakupelecela mbopesi pala. Piŵawuweni motowo Aisalaeli, ŵagumisile niŵajinamile ngope syawo pasi.

Masengo 10:4

Jwalakwe ŵalilolecesye lilayikalyo ni woga, nipo ŵaliwusisye kuti, “Ana kwambone, Ambuje?” Lilayikalyo lyajanjile kuti, “Mlungu asangalele ni mapopelo genu, pampepe ni masengo genu gakwakamucisya ŵakulaga.

Ŵaefeso 5:2

Mnonyelaneje, mpela mwele Klistu* ŵatunonyele uwe, ni ŵapelece umi wakwe ligongo lyetuwe mpela mbopesi jakununjila jakusangalasya Mlungu.

1 Petulo 2:5

Jemanja mŵe soni mpela maganga ga umi gakuti Mlungu ataŵile nyumba jakwe. Myoyo mtumicile mpela ŵakutaga mbopesi ŵaswela pamasengo gakupeleka mbopesi syakwiticisidwa ni Mlungu kupitila mwa Yesu* Klistu.