Masalimo 20:1 - Chiyawo Bible

¹ AMBUJE* amjanje m'mwejo pa ndaŵi jimli mu yisawusyo! Mlungu jwa Yakobo* amcinjilicisye m'mwejo!

Masalimo 20:1 Iomraidhean Croise

Masalimo 114:2

Yuda ŵaŵele malo gamaswela ga Mlungu, ni Isalaeli ŵaŵele ŵandu ŵakwe mu ucimwene wakwe.

Masalimo 138:7

Atamose ngwenda pasikati pa yisawusyo, ŵalakwe akuwusunga umi ŵangu, akusatambasukula mkono wawo kwalekasya amagongo ŵangu ŵatumbile, mkono wawo wamlyo ukusangulupusya.

Masalimo 18:2

AMBUJE ali ŵakusunga, ni ŵakunjinjilicisya ŵangu, ali ŵakungulupusya, Mlungu jwangu, ni lwala lwangu kungusatilila une, mwa ŵelewo une ndili mu mtendele. Ŵalakwewo ali cakulicinjilicisya cangu, ali ŵakunjenjela ŵangu, macili ga cikulupusyo cangu, ni pakutilila pangu.

Masalimo 41:1

Jwana upile mundu jwakusiŵaganicisya ŵakulaga, pakuŵa AMBUJE* tacimkulupusya mundu jwamti myoyo pa lisiku lya yipwetesi yakwe.

Masalimo 46:1

Kwa Mlungu ni kwakutilila kwetu ni macili getu, ŵakutukamucisya pa ndaŵi ja yisawusyo.

Masalimo 46:11

AMBUJE Ŵamaciligosope ali pampepe ni uwe, Mlungu jwa Yakobo ni kwakutilila kwetu.

Masalimo 46:7

AMBUJE* Ŵamaciligosope ali pampepe ni uwe, Mlungu jwa Yakobo* ni kwakutilila kwetu.

Masalimo 50:5

Jwalakwe akuti, “Mwasonganye ŵandu ŵangu ŵakulupicika ŵiŵatesile cilanga* ni une pakupeleka mbopesi.”

Masalimo 60:11

Atukamucisye pakulimbana ni amagongo ŵetu, pakuŵa cikamucisyo ca mundu cili cangali mate.

Masalimo 83:18

Amanyilile kuti ŵalakwe jika ŵele lina lyawo lili AMBUJE, ali Ŵakwinani Mnope ni ŵakulamulila pa cilambo cosope capasi.

Masalimo 9:10

Ŵandu wakwamanyilila ŵalakwe AMBUJE, akusaŵika cikulupi cawo mwa ŵalakwe. Pakuŵa ŵalakwe AMBUJE, ngakwaleka ŵandu ŵakwasaka mnope ŵalakwe.

Misyungu 18:10

Lina lya AMBUJE* lili mpela sanja jakulimbangana mnope, mundu jwakulungama akusatilila kweleko ni kulupuka.

Yesaya 50:10

Ana ŵani mwa jemanja akusiŵajogopa AMBUJE, ni kugapikanila maloŵe ga jwakutumicila jwakwe? Jwalijose jwakwenda mcipi soni jwangali cakamulila, alikulupilile lina lya AMBUJE, nipo ajegamile pa Mlungu jwakwe.

Yelemiya 30:7

Kongwene! Lisiku lyakogoya likwisa; lyelelo ngaŵa mkuliwanicisya ni lisiku line lililyose; ngasipapagwa lisiku line lililyose lyakulandana nalyo. Tijiciŵa ndaŵi ja yisawusyo kwa Yakobo,* nambope tacikulupuka ku yisawusyoyo.”

Ŵaeblania 5:7

Pa ndaŵi jiŵaliji pa cilambo capasi cino, Yesu* ŵaŵendile ni kupopela mwakugumila ni kulila misosi kwa Mlungu jwele juŵajenele kumkulupusya ku ciwa. Pakuti Yesu ŵaliji ŵakulinandiya ni kulipeleka, Mlungu ŵagapikene mapopelo gakwe.