Masalimo 2:9 - Chiyawo Bible

⁹ Timcaswanya ni simbo ja cisyano, ni kwateketanya jemanjajo myipiciti mpela mwakusakasila ciŵiga.’ ”

Masalimo 2:9 Iomraidhean Croise

Masalimo 89:23

Tinjajonanga amagongo ŵakwe msyene ali mkulola; ni kwawulaga ŵandu ŵakumŵenga jwalakwe.

Yesaya 30:14

Tiyiciŵa mpela kukasika kwa ciŵiga, cele cili cekasiciletu, mwakuti atamose lupale lwakupalila moto ngapatikana kapena lwakutecela mesi mcisima.”

Yesaya 60:12

Nambo mitundu ja ŵandu ni ayimwene ŵele ngasamtumicila tacijonasika nditu.

Yelemiya 13:14

Kaneko tinjagundanisya jemanjajo mitwe kuti akasane acimsyenepe, acatati ni ŵanace ŵawo. Ngasinatendela canasa, kapena kwakululucila mpaka ndili najonasile basi.”

Yelemiya 19:11

Myoyo timwasalile kuti, amu ni mutinjajonanjila ŵandu ŵeleŵa, mpela mwele jwakugumba malulo mwakusakasila lulo lwakwe, mwakuti ngaŵa mkomboleka kulugumba soni. Ŵandu ŵawewo tacisicidwa ku Tofeti, pa ligongo lyakuti kwine kulikose tikuciŵa kuli kwangali malo gakuti ŵasice jemanjajo.

Daniele 2:44

Mu ndaŵi ja ayimwene ŵelewo, Mlungu jwakwinani tacitamilisya ucimwene wele ngisiwujonasika. Tiwucikasanya ni kugamasya ma ucimwene gane gosopego, nipo ucimwene welewo pewo tiwuciŵa mpaka kalakala.

Daniele 2:45

Kweleku ni gopolela kwa liganga lila, liŵaliweni lili ligamba mgundumuka kutyocela kwitumbi, mundu mkanalitute kose, nipo lyakasile cisyano, silifa ni golidi. Mlungu jwamacili ŵamanyisye cilepe ya kusogolo, ŵalakwe mwenye. Une nasalalile ŵalakwe sagamisi syawo cenenepe, soni nalongosolele gopolela kwakwe kusyesyene.”

Mika 5:8

Wosope ŵakusigalila ŵa Yakobo taciŵa malweso pasikati pa ŵandu ŵa mitundu ja ŵandu mpela lisimba pasikati pa nyama sya mwitinji. Taciŵa mpela mwanace jwa lisimba pasikati pa likuga lya ngondolo, ŵele akusati naga asijinjilile akusasikamula ni kusipacukulanya. Pakusaŵa pali pangali ŵakusikulupusya.

Matayo 21:44

Jwalijose jutacigwila pa ligangali, tacijonasika. Nipo jutilicimgwila ligangali, tilicimkanyata.]

Chunukuko 12:5

Kaneko jwamkongwejo jwaŵelece mwanace jwamlume, jwakwenela kulamulila mitundu josope ja ŵandu ni ulamusi wakwapunda amagongo wosope. Mwanacejo ŵasumulidwe m'myala mwa mamagwe ni kwawula najo kwa Mlungu ni ku citengu cakwe ca ucimwene.

Chunukuko 19:15

Pakamwa pakwe wakopwece upanga wakutema mnope, wele utacikamulisya masengo pakuyipunda yilambo. Tacalamulila jemanjajo ni mwa ngalwe, nipo taciliŵataliŵata finyo pa malo gakuminyila finyo jwa lutumbilo lwa ukali wa Mlungu Jwamaciligosope.