Masalimo 2:5 - Chiyawo Bible

⁵ Kaneko tacajamuka jemanjajo mwakutumbila, nipo tacajogoya mwakalipa.

Masalimo 2:5 Iomraidhean Croise

Masalimo 109:20

AMBUJE ŵape cilango amagongo ŵangu mwalitala lyeleli, ŵele ŵakumbecetela yakusakalayi!

Masalimo 21:9

Tacajonanga jemanjajo mpela moto wa mu ng'aso, pitaciwonecela ŵalakwe. AMBUJE tacamala jemanjajo mu ukali wakwe; nipo moto tiwucamala.

Yesaya 11:4

Nambo tacalamula ŵakulaga mwacilungamo, nipo ŵandu ŵakutulala m'mitima ŵa cilambo capasi tacalamula mwangatenda lusagu. Maloŵe gele taciŵeceta tigaciŵa mpela simbo jakwakwapulila ŵakulemwa, pitacilamula jwalakwejo, ŵandu ŵakusakala taciwulajidwa.

Yesaya 34:2

AMBUJE* ayitumbilile yilambo yawo yosope, agapilile mtima makuga gawo gosope ga ngondo, soni asimicisye kuti tacijonanjidwa, ŵapelece kuti awulajidwe.

Yesaya 66:6

Mpikane lisegwe mu msinda! Mpikane liloŵe m'Nyumba ja AMBUJE, liloŵe lya AMBUJE lyalikupeleka cilango kwa amagongo ŵakwe.

Sakaliya 1:15

Une ndili jwakutumbila mnope ni ŵandu ŵa mitundu jine* ŵali pa utendele. Pinaliji mkwatumbilila ŵandu ŵangu ni ndaŵi jele ŵandu ŵanewo ŵapitilisyaga kwalagasya ŵandu ŵangu.

Matayo 22:7

Pelepo mwenye jula ŵapile mtima, kwakuti ŵatumile ŵa ngondo ŵakwe kuti akajonanje ŵiŵawuleje acimjawo ŵala, ni kwajocela msinda wawo.

Luka 19:27

Nambo kwamba ya amagongo ŵangu ŵiŵasosaga kuti une ngaŵa mwenye jwawo ŵala, myice nawo apano ni mwawulaje une ndili mkulola.’ ”

Chunukuko 1:16

Ku ligasa lyakwe lya kumlyo ŵanyakwile ndondwa msano ni siŵili, soni mkamwa mwakwe mwapali upanga wakutema kosekose uwakopocele pasa. Ngope jakwe jaliji jakuŵala mnope mpela mulikusaŵalila lyuŵa musi.

Chunukuko 19:15

Pakamwa pakwe wakopwece upanga wakutema mnope, wele utacikamulisya masengo pakuyipunda yilambo. Tacalamulila jemanjajo ni mwa ngalwe, nipo taciliŵataliŵata finyo pa malo gakuminyila finyo jwa lutumbilo lwa ukali wa Mlungu Jwamaciligosope.