Masalimo 2:12 - Chiyawo Bible

¹² mwajinamile pa sajo syawo mwa kutetemela, kogopela kuti atakumtumbilila; myoyo m'mwejo komboleka kuwa mwakusisimucisya, ligongo ukali wawo ukusajanguya kolela. Ŵana upile ŵandu wosope ŵakutilila kwa AMBUJE.

Masalimo 2:12 Iomraidhean Croise

Genesesi 41:40

M'mwejo ni ŵatimŵe ŵakulamula cilambo cangu. Nipo ŵandu ŵangu wosope tacimpikanila. M'mwejo timŵe ŵaŵili kwa une.”

1 Ayi 19:18

Nambo ku Isalaeli tinasunje ŵandu 7,000 ŵacijumi, ŵandu ŵele ŵakumbikanila une, soni ŵakanile kumlambila Baala.”*

Masalimo 1:6

Ŵandu ŵakulungamika tacilongoleledwa ni kucinjilicisidwa ni AMBUJE nambo litala lya ŵakusakala tacilijonanga.

Masalimo 109:20

AMBUJE ŵape cilango amagongo ŵangu mwalitala lyeleli, ŵele ŵakumbecetela yakusakalayi!

Masalimo 2:5

Kaneko tacajamuka jemanjajo mwakutumbila, nipo tacajogoya mwakalipa.

Masalimo 2:7

Mwenye akuti, “Une tinjijenesya yasasile AMBUJE. Ŵasalile kuti: ‘M'mwejo mli mwanangu; lelo une mbele mtati gwenu.

Masalimo 31:20

Akwasisa pa malo pele pali ŵalakwe kuti wacenjele ku yiswamba ya amagongo wawo. Akwasunga cenene ni kwacenjela ku ŵandu atakukangana nawo.

Masalimo 34:8

Mlinje ni timlole kuti Mlungu ali jwambone; jwana upile mundu jwakutilila kwa AMBUJE.

Masalimo 34:9

Mwajogope AMBUJE, jemanja, ŵandu ŵakwe ŵaswela mtima, pakuŵa ŵakwajogopa AMBUJE ngacikwasoŵa cindu.

Masalimo 40:4

Jwana upile mundu jwakwakulupilila AMBUJE, mundu jwangakusepucila ku milungu jakupanganya ni yala, kapena kupwatikana ni ŵandu ŵakusalambila milungu ja unami.

Masalimo 84:12

Ŵalakwe AMBUJE Ŵamaciligosope, ŵana upile ŵele ŵakulupilila mwa ŵalakwe.

Misyungu 16:20

Mundu jwakwiticisya msyungu, yakwe tiyicimjendela cenene, jwana upile mundu jwakusiŵakulupilila AMBUJE.

Yesaya 30:18

Nambope AMBUJE akusosa nditu kuti amsalalile mtima. Ali cile kuti amtendele canasa, ligongo AMBUJE ali Mlungu jwa cilungamo. Wosope ŵakusakulupilila Jwalakwe akwete upile!

Yelemiya 17:7

“Nambo tinjipeleka upile kwa ŵele ŵakusaŵika cikulupi cawo mwa une.

Hoseya 13:2

Masiku agano akupitilisyape kulemwa, pakulipanganyicisya yicindu yakugumba pakukamulisya masengo silifa* jwawo. Yicindu yagumbayi gali masengo ga afundi. Kaneko akusaŵeceta kuti, “Mpelece mbopesi kwa jemanjaji!” Ni kwalambilaga ŵanace ŵa ng'ombeŵa.

Sefaniya 2:2

mkanimjigalidwe mpela matimba gakuwululuka ni mbungo, soni ukali wakogoya wa AMBUJE mkiniwumyicilile jemanja, mkaniliyice lisiku litacilosya lutumbilo lwakwe.

Yohana 14:6

Yesu ŵamjanjile kuti, “Une ndili litala, usyesyene, ni umi, pangali mundu jwakwawula kwa Atati akaŵe kupitila mwa une basi.”

Yohana 5:23

myoyo ŵandu wosope tacimpa ucimbicimbi mwanagwawojo mpela mwakwapela ucimbicimbi Atati. Jwalijose jwangakumcimbicisya Mwanacejo ngakwacimbicisya soni Atati ŵiŵamtumisye Mwanacejo.

Ŵaloma 10:11

Malemba gakuti, “Mundu jwalijose jwakulupilila mwa jwalakwejo, ngasatenda soni.”

Ŵaloma 9:33

mpela muyalembedwele m'Malemba kuti, “Mlole, nguŵika liganga mu msinda wa Siyoni* ligangali tilicakuŵasya ŵandu ŵajinji. Nambo jwakulupilila mwa jwalakwejo, ngasatenda soni.”

Ŵaefeso 1:12

Ŵasacile kuti uwe, ŵatwaliji ŵandanda kwembecela Klistu, tulucimbicisye lumbili lwakwe.

1 Petulo 1:21

Kupitila mwa jwalakwejo mkusakulupilila Mlungu uŵamjimwisye jwalakwejo ku ŵawe, ni kumpa lumbili, myoyo cikulupi ni cembeceyo cenu cili pa Mlungu.

1 Petulo 2:6

Paja yilembedwe m'Malemba kuti, “Nasagwile liganga lya mtengo wapenani linguliŵika mu msinda wa Siyoni* mpela liganga lya pandumba;* jwalijose jwakukulupilila mwa jwalakwejo ngasatenda soni.”

1 Sam 10:1

Sambano Samuele ŵajigele libotolo lya mawuta ni kugataga pa mtwe pa Saulo. Kaneko ŵamkomasisye ni moni jwa pangomo ni ŵatite, “AMBUJE* amsagwile kuti mŵe mwenye jwa ŵandu ŵakwe Aisalaeli. Timcalamulila ŵandu ŵa AMBUJE ni kwakulupusya kwa amagongo ŵakwasyungulila jemanjajo. Cimanyisyo cakuti AMBUJE amsagwile m'mwejo kuti mŵe ŵakwatumicila ŵandu ŵakwe cili aci: