Masalimo 2:10 - Chiyawo Bible

¹⁰ Sambano, jemanja ayimwene mŵe ŵalunda, mlijiganye kutyocela pa lijiganyoli, jemanja ŵakulamula cilambo.

Masalimo 2:10 Iomraidhean Croise

Masalimo 45:12

Ŵandu ŵa ku Taya tacimnyenjelela ni mituka jawo, ŵakusicila ni cipanje cawo ca mitundumitundu.

Yesaya 49:23

Ayimwene taciŵa mpela acibabagwe ŵakumsimana, acakongwe ŵa ayimwenewo taciŵa mpela acimamagwe ŵakumlela. Tacigwisya ngope pasi ni kumjinamila. Tacilapita luwundu lwa pa sajo syenu mwakulinandiya. Pelepo timcimanyilila kuti Une ndili AMBUJE, nipo ŵakusangulupilila Une ngasatenda soni.”

Yesaya 52:15

Myoyo soni ŵandu ŵa mitundu josope tacisimonga najo, ni ayimwene ŵakwe ngasakola cakuŵeceta, pakuti yindu yanganiŵasalila kalakala taciyiwona, nipo yindu yanganayipikana kala kosope taciyipikanicisya.”

Yesaya 60:3

Ŵandu ŵa mitundu jine tacilikuya lilanguka lyenu, nipo ayimwene tacimkuya ligongo lya kunyesimila kwenu, kwa mpela lyuŵa lyele likukopoka kwene.

Yelemiya 6:8

Jemanja ŵandu ŵakutama mu msinda wa Yelusalemu, mkunde kuti yisawusyo yeleyi yiŵe lijiganyo kwa jemanja, kogopela kuti cinonyelo cangu pa jemanja citakumala, soni kuti mpaka niwusandusye msinda wenu kuŵa cipululu, ku malo kwele kwangatamako ŵandu.”

Hoseya 14:9

Jwele jwali jwalunda apikanicisye yeleyi, jwele jwali jwakupikanicisya ayisunje yeleyi. Pakuti matala ga AMBUJE gali gakulungama, nipo ŵele ŵali ŵakulungama akusajenda, nipo ŵakulemwa akusakuŵalamo.

Sakaliya 14:17

Maŵasa gane pacilambo capasi ngisigajawula ku Yelusalemu kukumlambila mwenye, AMBUJE Ŵamaciligosope, soni ula ngisijigwa pa cilambo cawo.