Masalimo 18:4 - Chiyawo Bible

⁴ Kogoya kwa ciwa kosope kwasyungulile une, matumbela gakogoya gagundumucile pacanya pa une.

Masalimo 18:4 Iomraidhean Croise

2 Mbi 20:21

Piŵamasile kuŵeceta ni ŵanduwo, mwenyewo ŵasagwile ŵandu ŵane kuti awale mikanjo jawo jakusawala pa yindimba ya AMBUJE nipo ajendeje pasogolo pa asilikali ŵa ngondo, ajimbeje kuti: “Twalumbe AMBUJE! Cinonyelo cawo cili cangamala!”

2 Mbi 20:22

Piŵatandite kwimba, AMBUJE ŵasokonesye asilikali ŵa ngondo ŵa ku Amoni, Mowabu, ni soni asilikali ŵa ku Edomu ŵele ŵiŵayice ku kumenyana ni ŵandu ŵa ku Yuda nipo jemanjajo ŵalepele pakumenyanako.

Masalimo 116:3

Ngonji sya ciwa syasyungwilile une, yipwetesi ya ku cilambo ca ŵandu ŵawe yingwilile une. Nalasile ni wangamwile woga.

Masalimo 124:4

Soni cikumba cingatupyajisile; ni kuŵilima kwa mesi kungatukokosile.

Masalimo 22:16

Likuga lya ŵandu ŵakusakala lisyungulile une, mpela mpingo wa m'mbwa akuyicilila une; akupaculanya makono gangu ni sajo syangu.

Yesaya 13:8

Wosope tacijasa mtima, taciyipikana yipwetesi, yipwetesi yakwe mpela mwakusayipikanila mundu jwamkongwe pa ndaŵi jakuŵeleka mwanace. Tacilolegana jwine ni mjakwe mwa woga ali agwisisye ngope syawo ligongo lya soni.

Matayo 26:47

Yesu ali mkuŵecetape myoyo, ŵayice Yudasi, jumo jwa ŵakulijiganya likumi ni ŵaŵili ŵala. Ŵayice ni likuga lya ŵandu ŵajinji ali ajigele mawupanga ni yimbonga. Acakulungwa ŵa ŵakutaga mbopesi ni acakulungwa ŵa Ayuda ni ŵaŵatumile ŵanduwo.

Matayo 26:55

Pelepo Yesu ŵawusisye ŵandu ŵala kuti, “Ana uli myice kukungamula ni mawupanga ni yimbonga, mpela kuti une jwaciswamba? Lisiku ni lisiku naliji m'Nyumba ja AMBUJE njijiganyaga, nambo jemanja nganimungamula.

Masengo 21:30

Msinda wosope wasokonecele, ni ŵandu wosope ŵawutucile pampepe ni ŵamkamwile Paulo, ni ŵamwutile kusa kwa Nyumba ja AMBUJE jila. Mwacitemacitema, milango ja Nyumbajo jawugalidwe.

2 Akoli 1:9

Nditu m'mitima mwetu twaganisyaga kuti tutuwe. Nambo yeleyi yatendekwe myiyi kuti tukalikulupililaga twacimsyewe, nambo tumkulupilileje Mlungu jwakusajimusya ŵawe.