Masalimo 15:2 - Chiyawo Bible

² Ali mundu jwakwenda mwangalemwa, jwakutenda yakulungamika ndaŵi syosope, jwele jwakuŵeceta yakuwona ni mtima wakuwona,

Masalimo 15:2 Iomraidhean Croise

Masalimo 24:4

Ŵelewo pewo ŵakusatenda yambone ni yala yawo, ni kuganisya yambone mu mtima mwakwe. Jwele jwangakuganicisya ya unami, soni jwangalumbila mwa unami.

Masalimo 84:11

Pakuŵa AMBUJE ŵakutucinjilicisya ŵetu ni mwenye jwetu jwa lumbili, akusatupa upile mwa umbone wakwe mtima ni mwa ucimbicimbi. Jwalakwejo jwangakanya yindu yambone kwa ŵele ŵakwenda mwagoloka.

Misyungu 20:7

Mundu jwambone jwakusajenda mwakulungama, Mlungu akusapeleka upile kwa ŵanace ŵakuya panyuma pakwe.

Misyungu 28:18

Mundu jwakusajenda mwakulupicika tacikulupuka, nambo mundu jwangatenda mwagoloka tacigwa mwisimbo.

Yesaya 33:15

Jwampaka apakombole ali mundu jwakusatenda yakulungamika soni kuŵeceta yakuwona, jwakusakana cakupata cakucisimana mwakunyenga. Jwakusaligosa kuti akasakamula ya cipupu, jwakusawugala m'mapikanilo gakwe kuti agapikane maloŵe ga ŵakupangana kuwulaga acimjawo. Ŵakusawugala m'meso kuti akayiwona yakusakala.

Yesaya 63:8

AMBUJE* ŵatite kuti, “Jemanja mli ŵandu ŵangu, ŵanace ŵangu ŵele ngasimulambusya.” Myoyo ŵakulupwisye.

Mika 2:7

Ana yeleyi yili yakwenela kuyiŵeceta jemanja ŵa mwiŵasa lya Yakobo?* Ana kululuka kwa AMBUJE kumasile? Ana yeleyi ni yiŵatesile? Ana maloŵe gakwe ngigayikasya yambone kwa mundu jwakwenda mwa kulungamika?”

Luka 1:6

Sakaliya ni Elisabeti ŵaliji ŵakulungama pameso pa Mlungu, mwakuti ŵagakuyaga cenene Malamusi ni yosope yene yiŵalamwile Ambuje.

Masengo 10:35

Jwalijose jwakusamjogopa jwalakwe ni kutenda yambone akumpocela, pangalolela kuti akutyocela mtundu wapi.

Ŵaloma 2:10

Tipaciŵa lumbili, ucimbicimbi ni mtendele yakutyocela kwa Mlungu pa ŵandu wosope ŵakutenda yindu yambone, pandanda Ayuda kaneka ŵandu ŵa mitundu jine.

Ŵagalatia 2:14

Pinaweni kuti jemanjajo ngakutama mwakulungama mpela mwakatamilaga, pakuyicisya usyesyene wa Ngani Syambone, une namsalile Petulo pameso pa ŵandu wosope kuti, “M'mwejo mli Myuda, nambope mkukuya misyungu ja ŵandu ŵa mitundu jine, ngaŵaga ja Ciyuda. Nambi mpaka mwatendekasye uli ŵandu ŵa mitundu jine kuti atameje mpela mwakusatamila Ayuda?”

Ŵaefeso 2:10

Mlungu ŵatupanganyisye mpela mutuŵelelemu, nipo mwa Klistu Yesu ŵatupanganyisye kuti umi wetu uŵe wakamula masengo gambone gaŵaŵicile cilepe Jwalakwe kuti tugakamule.

Ŵaefeso 4:25

Sambano mwulece unami, jwalijose aŵeceteje yakuwona yisyesyene ni mjakwe, pakuŵa wosopewe tuli yiŵalo ya cilu ca Klistu.

Ŵakolosai 3:9

Kasimtendaga unami, pakuti mlesile ndamo syenu syakala pamo ni yitendo yakwe yangalumbana,

Ŵaeblania 11:33

Pakuŵa ni cikulupi, ŵandu ŵeleŵa ŵagomece ayimwene, ŵiŵatamilisye cilungamo, nipo ŵapocele yiŵatite Mlungu tacapa. Ŵane ŵagawugele masimba pakamwa,

1 Yohana 2:29

Naga mkumanyilila kuti Klistu ali jwakulungama, m'manyilile soni kuti jwalijose jwakutenda yakulungama, ali Mwanace jwa Mlungu.

1 Yohana 2:6

Jwalijose jwakuŵeceta kuti ali mwa Mlungu, yitendo yakwe yilandaneje ni yiŵatendaga Yesu.

1 Yohana 3:7

Ŵanace ŵangu, mkakunda kuti mundu jwalijose amsokonesye jemanja. Mundu jwalijose jwakusatenda ya cilungamo, jwelejo ali jwakulungama mpela Klistu ali jwakulungama.

Chunukuko 21:8

Nambo ŵandu ŵa woga, ŵangakulupicika, ŵakunonyela yakusakala, ŵakuwulaga acimjawo, ŵakunonyela kutenda ya lilama, ŵakutenda ya usaŵi, ŵakulambila tumilungu twakupanganyidwa, ni ŵandu wosope ŵa unami, malo gawo gali nyasa jegumbale ni moto ni maganga gakolela ga sulufule.* Celeci cili ciwa caŵili.”