Masalimo 146:4 - Chiyawo Bible

⁴ Palikutyoka lipuje lyosope mcilu mwa mundu, mundujo akasawujila kwitaka, ni yindu yiŵasakaga kuyitenda, yikusamala lisiku lilyolyo.

Masalimo 146:4 Iomraidhean Croise

Jwak 12:7

Yilu yetu tiyiciwujila kwitaka mpela kuyatyocele, nipo msimu tiwuciwujila kwa Mlungu juŵawupelece kwa uweji.

Masalimo 104:29

Naga akuyisisila ngope jawo, yikusatenda woga ni kwasa mtima. Naga akuyityocesya lipuje yikuwa, ni kuwujila ku luwundu.

Genesesi 2:7

AMBUJE Mlungu ŵajigele litaka ni ŵamgumbile mundu ni litakalyo. Ŵampepelele lipuje lyakupeleka umi mu mbula syakwe, nipo mundujo ŵakwete umi.

Genesesi 3:19

Mkwenela kukamula masengo mnope mpaka kukoposya citukuta, kuti litaka limpe yakulya mpaka pa timciwujila kwitaka kumwatyocele. Nampanganyisye kutyocela kwitaka, kwitaka kukoko timciwujila.”

1 Akoli 2:6

Tukusaŵeceta ya lunda kwa ŵele ŵali ŵakomangale mu cikulupi. Nambo lundalo ngaŵa lwa masiku agano, kapena lwa acakulungwa ŵakulamulila cilambo cino, wele macili gawo tigacimala.

Masalimo 33:10

Yakusaganicisya ŵandu ŵa mitundu, AMBUJE akusayigalawusya kuŵa yangali mate kose, nganisyo syawo syosope akusigalawusya kuŵa syacabe.

Yobu 27:3

Ndaŵi syosope pitimbumuleje, Mlungu ni kupitilisya kumba umi,

Yobu 17:11

Masiku gangu gakutama pacilambo pano gamasile, yinalinganyisye yilepelece, soni yele yinajembecelaga yipite pa mtega.

Yobu 14:21

Ŵandu akusiŵacimbicisya ŵanace ŵa jwakuwajo, nambo jwalakwejo akusaŵa ali jwangamanyililila kane kalikose. Ŵandu ŵane pakwatendesya jemanjajo soni, ŵelewo ŵangayiwona.

Daniele 5:23

Alikwesisye mwakusisyana ni AMBUJE ŵakwinani. Migawo ja ku Nyumba ja AMBUJE ayice najo ku cindimba cawo, kuti wawo ni aciŵamkwenu ni acakulungwa ŵenu m'mwele finyo mwelemo. Mŵele kujilumba milungu ja silifa, ja golidi, ja bulonsi, ja cisyano, ja yitela, ni ja maganga, jele jangalola kapena kupikana kapena kumanyilila kandu. Nganamcimbiciysa Mlungu jwakusunga lipuje lyenu miyala mwakwe, ni kulolela ujende wenu wosope.

Malilo 4:20

Ŵakamwile ndande ja umi wetu, mwenye juŵamsagwile AMBUJE, jwele jutwamkulupilile kuti tacitucenjela kwa amagongo ŵaliwose.

Yesaya 2:22

Mkasimumkulupilila mundu soni, pakuti umi wakwe wangakaŵa kumala. Ana jwalakwejo ni kumjigala mpela kandu?

Masalimo 90:3

Ŵalakwe akumbucisya mundu ku luwundu, acitiji, “Ujanganani jemanja ŵanace ŵa ŵandu.”

Yobu 17:1

Mbesi ja umi wangu jili ciŵandika, soni masiku ga umi wangu gamasile, nipo malembe gangu gali cile kunjembecela une.

Yobu 14:10

Naga mundu akuwa, mbesi jakwe jikusaŵa jijojo. Ana naga mundujo awile, akusajawulaga kwapi?

Genesesi 6:17

Mtende yeleyi ligongo tindumisye ula ja cikumba pa cilambo capasi kuti njonanje ya umi yosope. Ya umi yosope ya pa cilambo tiyiciwa,

Jwak 9:6

Cinonyelo cawo, uŵengani wawo ni wiwu wawo wosope yamasile kala. Nipo ngasapocela cilicose pa yosope yayikutendekwa pa cilambo capasi pano.