Mtima ŵangu ukusapweteka pingusakumbucila yakala, pinaliji mkwenda ni ŵandu ŵajinji, pakwalongolela ku Nyumba ja AMBUJE,* paliji pana ŵandu ŵajinji, acijimbaga ni kupeleka malumbo kwa Mlungu.
Mwa litala lilili Msimu Ŵaswela akusatukamucisya uwe. Tuli ŵangali macili mpela mutuŵelelemu. Pakuti ngitukumanyilila mutukwenela kupopelela. Ali ni ligongo lyakwe Msimu Ŵaswela asyene akusatupopelela ni maloŵe gakuti pangali mundu jwa mpaka agaŵecete.
Pa ndaŵi jiŵaliji pa cilambo capasi cino, Yesu* ŵaŵendile ni kupopela mwakugumila ni kulila misosi kwa Mlungu jwele juŵajenele kumkulupusya ku ciwa. Pakuti Yesu ŵaliji ŵakulinandiya ni kulipeleka, Mlungu ŵagapikene mapopelo gakwe.