Masalimo 139:4 - Chiyawo Bible

⁴ Maloŵe gangu mkanigayice pakamwa pangu, alole, ŵalakwe AMBUJE akugamanyilila gosope.

Masalimo 139:4 Iomraidhean Croise

Yobu 38:2

Ana m'mwejo ni ŵimkusokonesya mapulani gangu pakuŵeceta yindu yangali lundayi?

Yobu 42:3

Ŵalakwe ŵambusisye une kuti, ‘Ana ŵani ŵelewo ŵakusaka kusokonesya mapulani gangu pakuŵeceta maloŵe gangali lunda?’ Yisyene kuti naŵecete yindu yakuti nganinayimanyilila, yindu yakusimonjesya kwa une yele nganinayimanyilila.

Masalimo 19:14

Maloŵe gangu ni nganisyo syangu yijiticisidwe pameso pawo, Ŵalakwe AMBUJE, ali lwala lwangu ni mkulupusyo jwangu.

Yelemiya 29:23

Ndamo syawo ku Isalaeli syaliji syakusakala, ŵatendaga cikululu ni acakongwe ŵacimsyene, ŵalocesyaga ya unami mu lina lyangu, une mkininalamule. Une nguyimanyilila, komboleka kuyitendela umboni yeleyi, AMBUJE akuti myoyo.”

Sefaniya 1:12

“Ndaŵi jelejo tinjijigala nyali ni kusosasosa mu Yelusalemu. Tinjapa cilango ŵandu ŵagamba kutama ni kulitenda kuti ali cenene soni ni kulikulupilila jikape, ŵele ŵakusati acimsyene kuti, ‘AMBUJE ngasatenda cindu cilicose, cambone kapena cakusakala.’

Yakobo 1:26

Naga jwine akulitenda kuti ali jwa dini mnope, nambo ali jwakuŵecetaga yangalumbana, dini jakwejo jili ja mtega, soni akusagamba kulilambusya.