Masalimo 139:1 - Chiyawo Bible

¹ AMBUJE,* ŵalakwe alolite mkati mwa mtima wangu; ni akuyimanyilila yosope ya une.

Masalimo 139:1 Iomraidhean Croise

2 Sam 7:20

“Ana une tisale soni cici kwa ŵalakwe? Pakuŵa ŵalakwe AMBUJE Mlungu Ŵamaciligosope, akumanyilila une jwakutumicila jwambone.

1 Ayi 8:39

ndaŵi jelejo conde AMBUJE, ŵapikane ŵandu ŵawo kwinani kwakutamako, mpela mwele mwakutamila umi wakwe mundu jwalijose, ni mwaŵelele mkati mwa mtima wakwe. Pakuŵa ŵalakwe akumanyilila yili mkati mwa mtima mwa mundu jwalijose.

2 Ayi 19:27

“Nambotu une nguyimanyilila yosope yenumwe, yosope yimkutenda ni kosope kumkuja. Soni ngumanyilila yimkuti pakundumbilila une.

1 Mbi 17:18

Une ndili jwakutumicila jwawo soni wawo akusamanyilila nganisyo syangu. Ana cici soni ca mpaka mbecete kwa wawo?

1 Mbi 28:9

Daudi ŵamsalile soni Solomoni kuti, “Mwanangu, ngumsalicisya kuti mumpikanileje Mlungu jwa baba ŵenu ni mtima wenu wosope ni m'mwe ŵakulipeleka. Mlungu akusamanyilila nganisyo sya mundu jwalijose. Naga mkusosasosa timcisimana, nipo naga mkulekangana najo, nombe najo tacimleka mpaka kalakala.

Masalimo 139:23

Andolecesye, ŵalakwe Mlungu, kuti awumanyilile mtima wangu. Alinje une, kuti amanyilile nganisyo syangu.

Masalimo 17:3

Atamose awulinje mtima wangu, kapena kundolecesya cilo, naciŵa muno andolecesye camtuli, tasimane kuti jwangali ulemwa,* pakuti pakamwa pangu pangaŵeceta yangalumbana.

Masalimo 44:21

ana Mlungu ngimkanayimanyilila yeleyi? Pakuŵa akumanyilila yakusisika yosope ya mu mtima.

Yelemiya 12:3

Nambotu ŵalakwe AMBUJE akusamanyilila une. Akundola, nipo akusawulinga mtima wangu, ni kuwona kuti une ngusinanonyela ŵalakwe. Ŵawute ŵandu ŵakusakala mpela ngondolo syasikuja kuwulajidwa. Ŵaŵice jemanjajo pambali mpaka lisiku lyakuja kuwulajidwa.

Yohana 21:17

Yesu ŵamwusisye katatu kuti, “Simoni mwanace jwa Yohane, ana mkusimunonyela une?” Apa Petulo camtesile canasa ligongo Yesu ŵamwusisye katatu kuti, “Ana mkunonyela une?” Myoyo ŵamjanjile kuti, “Ambuje, wawojo akumanyilila yosope yene, akumanyilila kuti ngusinanonyela!” Yesu ŵamsalile kuti, “Mwasamalile ŵakulijiganya ŵangu mpela mumkusisamalila ngondolo syangu.

Ŵaeblania 4:13

Pangali cakusisika pameso pa Mlungu, soni akusaciwona cilicose pakupanganyidwa. Myoyo tukwenela kumsalila yosope yele yitutesile.

Chunukuko 2:18

“Kwa jwakulongolela mpingo wa mu msinda wa Tiyatila mlembe kuti: “Awu uli utenga wakutyocela kwa Mwanace jwa Mlungu, jwele meso gakwe gakusaŵala mpela lilamba lya moto, soni sajo syakwe sili mpela cisyano cakunyesima.

Chunukuko 2:23

Tinjawulaga soni ŵanace ŵakwe. Myoyo mipingo josope tijicimanyilila kuti une ndili ajula jungusamanyilila ya m'mitima mwa ŵandu ni mu nganisyo syawo. Tinjipeleka kwa jwalijose jwa jemanja malingana ni masengo gakwe.