Masalimo 13:3 - Chiyawo Bible

³ Angalawucile une ni kunjanga ŵalakwe AMBUJE, Mlungu jwangu, Awucisye macili gangu kogopela kuti nimkaŵa gona lugono lwa kuwa nalo.

Masalimo 13:3 Iomraidhean Croise

Esala 9:8

Nambo pakandaŵi keleka, Wawo AMBUJE ŵetu alosisye umbone mtima wawo pakutuleka ŵane ŵa uweji kuti tukajawula ku ukapolo nambo kuti tujinjile ku malo gawo gamaswelaga ni kutupa uwe umi wasambano.

Masalimo 119:153

Ayilole yisawusyo yangu, ni kungulupusya, ligongo ngingugaliŵalila malamusi gawo.

Masalimo 18:28

Pakuŵa ŵalakwe akupamba nyali ja umi wangu, AMBUJE, Mlungu jwangu, akumulicila mcipi.

Masalimo 25:19

Alole winji wa amagongo ŵingwete; alole yakuti pakundendela ngalwe une.

Masalimo 31:7

Tinjikondwa ni kusangalala ligongo lya cinonyelo cawo cangamala, ligongo ŵalakwe ayiweni yisawusyo yangu; ni ayimanyilile yisawusyo yangu kuti yili yekulungwa.

Masalimo 5:1

Agapikane maloŵe gangu, ŵalakwe AMBUJE* ni akupikane kuwuwula kwangu.

Masalimo 9:13

Andendele canasa, ŵalakwe AMBUJE, akulole kulaga kwangu, kwakundendela ŵakumbenga une, Ŵalakwe akusangulupusya ku ciwa.

Yelemiya 51:39

Naga akutenda mitulo, tinjalinganyicisya cindimba. Tinjakolelwesya, nipo tacisangalala ni kugona lugono lwampaka ngajimuka soni.

Yelemiya 51:57

Tinjakolelwesya ŵakulamulila ŵakwe pamo ni ŵandu ŵakwe ŵalunda, acimlongola ni asilikali ŵakwewo soni. Tacigona lugono lwangajimuka nalo. Ni yakuti mwenye, AMBUJE Ŵamaciligosope.

Malilo 5:1

Ŵalakwe AMBUJE* akumbucile yele yiyatuwonecele uwe. Atulole uwe, nalole mwele muŵatunyocesyaga.

Luka 2:32

Ŵalakwe apelece lilanguka lyakwamulicila ŵandu ŵa mitundu jine, ni kwapa ucimbicimbi Aisalaeli ŵandu ŵawo.”

Ŵaefeso 5:14

Myoyo cilicose cacikusawonecela pakulanguka cikusaŵa lilanguka. Ni ligongo lyakwe akusati, “Mjimuce ŵamlugonomwe, jimukani kutyocela ku ŵawe, nipo Klistu tacimŵalila m'mwejo.”

Chunukuko 21:23

Pangali ligongo lyakuti lyuŵa kapena mwesi yiŵalileje pa msindapo, pakuti lumbili lwa Mlungu ni lwele lukusaŵalilapo, nipo nyali jakwe jili Mwanace Jwangondolo jula.

1 Sam 14:27

Nambo Yonatani nganiŵapikana baba ŵawo piŵajogoyaga ŵandu ŵala ni malweso gala. Myoyo ŵatambasukwile simbo jakwe jiŵanyakwile, nipo ŵajiloŵece mu uci ula, ni kulya. Ndaŵi jijojo ŵawusimene mtima.

1 Sam 14:29

Yonatani ŵajanjile kuti, “Baba ŵangu atesile cindu cakogoya kwa ŵandu ŵetu. Une sambano nawusimene mtima ligongo ndile uci.