Masalimo 13:2 - Chiyawo Bible

² Ana timbe jwakupimilila mu yisawusyo mpaka cakaci? Ana timbe jwalipowo mu mtima mwangu musi ni cilo mpaka cakaci? Ana mpaka cakaci amagongo ŵangu taŵeje ali mkumbunda?

Masalimo 13:2 Iomraidhean Croise

Nehemiya 2:2

Myoyo mwenyewo ŵambusisye kuti, “Ana ligongo cici ngope jenu jikuwoneka ja canasa nambo mli mkakulwala? Cine cakwe cikwenela kuti cikumsawusya m'mwejo mu mtima mwenu.” Kaneko une najogwepe,

Esitele 7:6

Esitele ŵajanjile kuti, “M'magongo jwetu ni Hamaniju, jwakutulagasya uwe, jwakusakala mtimaju.” Kaneko Hamani ŵakamwilwe ni woga pameso pa mwenye ni ŵamkwawo.

Yobu 10:15

Naga akusimana kuti une ndili jwakulemwa likungu lili ni une. Naga akusimana kuti une ndili jwangalemwa ngope jangu tijikole soni, pakuti ngwete soni, pakuyiwona yisawusyo yanguyi.

Masalimo 10:18

Ŵalakwe tacipikana kulila kwa ŵakulaga ni ŵawina; pakulamula taciŵa kumbali jawo kuti ŵandu ŵali pa cilambo pano akapakombola soni kwajogopa.

Masalimo 116:3

Ngonji sya ciwa syasyungwilile une, yipwetesi ya ku cilambo ca ŵandu ŵawe yingwilile une. Nalasile ni wangamwile woga.

Masalimo 17:9

kuti ŵandu ŵakusakala, ŵakusosa kunjonanga akasambona, ngwamba amagongo ŵangu ŵakusyungulila une.

Masalimo 31:18

Wosope ŵakulikwesya ni ŵa unami, ŵele ŵakuŵeceta mwa mwano ni kwanyosya ŵandu ŵakulungamika ŵatamice jii.

Masalimo 38:17

Pakuŵa une ndili ciŵandika kugwa, ni ngupikana kupweteka ndaŵi syosope.

Masalimo 42:4

Mtima ŵangu ukusapweteka pingusakumbucila yakala, pinaliji mkwenda ni ŵandu ŵajinji, pakwalongolela ku Nyumba ja AMBUJE,* paliji pana ŵandu ŵajinji, acijimbaga ni kupeleka malumbo kwa Mlungu.

Masalimo 6:4

Ayice, ŵalakwe AMBUJE kukungulupusya une, angulupusye une ligongo lya cinonyelo cawo.

Masalimo 7:2

Ni mkaŵa kungwekwelemya mpela lisimba, mpaka ku malo kukuli kwangali jwine jwakumbokasya, ni kweleko tacimbaculanya.

Masalimo 74:10

Ŵalakwe Mlungu, amagongo wetuŵa taŵe mkutucembulusya mpaka cakaci? Ana amagongo taŵe mkulinyosya lina lyawo ndaŵi syosope?

Masalimo 74:18

Akumbucile, Ŵalakwe AMBUJE,* kuti amagongo akasiŵaseka mwa cipongwe. Ŵandu ŵacipongwe akulicembulusya lina lyawo.

Masalimo 8:2

ŵanace ni makandi nombe nawo akwajimbila nyimbo sya malumbo. Ŵalakwe ataŵile lipupa lyakuti alicinjilicisye kwa amagongo ni ŵakusisyana nawo.

Masalimo 9:6

Amagongo ŵetu amasile, ajipaswile misinda jawo; ni ŵandu ngasajikumbucila soni.

Misyungu 15:13

Mtima wakusangalala ukusalosya ngope jakondwa, nambo umi ukusapweteka ni yipwetesi ya mu mtima.

Jwak 5:17

Masiku gakwe gosope umi wakwe waliji wegumbale ni cipi, canasa, yisawusyo, yilwele ni kudandawula.

Yelemiya 15:18

Ligongo cici yipwetesi yangu ngayikumala? Ligongo cici maŵanga gangu ngigakumala? Ligongo cici maŵanga gangu ngigakupola? Ana akusaka kundandawulisya une mpela lusulo lwalukusajumula mu ndaŵi ja cawu?”

Yelemiya 45:3

m'mwejo mkuŵeceta kuti, ‘Likungu kwa une, pakuti AMBUJE ajonjecesye canasa pa yisawusyo yangu yosope. Mbesile nako kuwuwula kwangu, mwakuti kupumula ngangukusimana kose!’

Yelemiya 8:18

Kudandawula kwangu kuli kwangali mbesi. Mtima wangu uli wangali macili.

Malilo 1:5

Amagongo ŵakwe ŵapundile; nipo akwete ulamusi pa jemanjajo. Pakuti AMBUJE ŵapele yisawusyo ligongo lya ulemwa* wejinji wa ŵandu ŵakwe; Ŵanace ŵakwe akamwilwe, nipo ajigelwe kuja ku ukapolo.

Malilo 1:9

Usakwa wakwe wawonecele mwangasawusya, nambo jwalakwe nganalosya kudandawula ni yakumgwila kusogolo. Kugwa kwakwe kwaliji kwakogoya; mwamti paliji pangali jwalijose jwakumtulasya mtima wakwe. Amagongo ŵakwe apundile, nipo jwalakwe agamba kulilila AMBUJE kuti ŵatendele canasa.

Malilo 5:20

Ligongo cici aŵele ali mkutuliŵalila ndaŵi josopeji? Ana tacitukumbucila soni uweji?

Matayo 26:38

Ni ŵasalile jemanjajo kuti, “Mu mtima mwangu mugumbele canasa cekulungwa cakuwa naco. Jemanja mtame panopano, mesope pampepe ni une.”

Luka 22:53

Lisiku lililyose mbeleje ndili ni jemanja m'Nyumba ja AMBUJE nambo nganimungamula. Sambano ajino jili ndaŵi jakuti mtende masengo ga mu cipi.”

Yohana 16:6

Nambo sambano pakuŵapo namsalile jemanja ya yele yinduyi, mitima jenu jigumbele canasa.

Ŵaloma 9:2

Mu mtima mwangu mugumbele ni canasa soni ukumbweteka mnope ligongo lya acalongo acimjangu, ŵandu ŵa mtundu wangu.

Ŵafilipi 2:27

Yili yisyene kuti jwalwasile ciŵandika kuwa, nambo mwa upile Mlungu ŵamtendele jwalakwejo canasa, nambo nganagamba kumtendela canasa jwalakwejope, nambo soni ŵandendele une, kuti canasa cangu cimale.

1 Sam 18:29

Yeleyi yamtendesye Saulo kumjogopa mnope Daudi jula nipo ŵasandwice m'magongo jwakwe umi wawo wosope.

1 Sam 24:19

Ana mundu ali amsimene m'magongo jwakwe, ana mpaka akunde kuti akulupuce? AMBUJE ampe upile ligongo lya yindu yimundendele lelo.