Masalimo 12:3 - Chiyawo Bible

³ Ŵalakwe AMBUJE asilekasye ngomo syasikulambusya. Alekasye lulumi lwakuŵeceta yakutwanga.

Masalimo 12:3 Iomraidhean Croise

Yobu 32:22

Une jwangamanyilila kuŵeceta mwakalamuka, kogopela kuti Mlungu juŵambanganyisye komboleka kumba cilango mwacitema naga natesile yeleyo.

Masalimo 116:11

Pinatendaga woga, natite, “Ŵandu wosope ali ŵangakulupicika.”

Masalimo 140:12

Ngusamanyilila kuti ŵalakwe akusiŵacenjela ŵandu ŵakulaga, ni akwalamulila mwagoloka ŵandu ŵangali cakwete.

Masalimo 17:10

Nganakola mtima ŵa canasa, ni akuŵeceta mwakulikwesya.

Masalimo 55:22

Mwatulile AMBUJE msigo wa yakudandawula yenu, ni Jwalakwe tacimcenjela, ngasakunda kose kuti mundu jwawo jwagoloka, atenganyice.

Ekisodo 15:9

M'magongo jula ŵatite, ‘Tinakuye ni kwakamula, tinacigaŵanye cipanje cawo, mtima wangu tucijikutila naco. Tinjiswekula upanga wangu, ni kwajonanga ni mkono wangu.’

Misyungu 18:21

Lulumi lukwete macili ga pa umi nambo soni ciwa, ŵandu ŵakasalunonyela mnope tacilya yisogosi yakwe.

Misyungu 26:24

Mundu jwa uŵengani pakamwa pakwe pakuŵeceta yindu yambone, nambo mu mtima mwakwe muli mwana ya unami.

Yesaya 10:10

Ni macili gangu, nawuleje ayimwene sikati ja ŵandu ŵakupopelela tumilungu twakupanganyidwa ni ŵandu, ŵele yilandanyo yawo yaliji yejinji mnope kupunda ya ku Yelusalemu ni Samaliya.

Yesaya 59:4

Pangali jwakusamjimba mjakwe magambo mwakulungama pangali jwakusajawula ku nganya ja magambo mwakuwona. Akusakulupilila yangali mate, akusagamba kuŵeceta mabosa. Akusagamba ganisya ya mbulupulu, nikutenda yakusakala yakuganisya jemanjajo.

Yelemiya 12:6

Atamose acalongo acimjenu, ŵane ŵa mwiŵasa mwenu, amlambwisye m'mwejo, wosopewo akusasaka ya kumjimba m'mwejo magambo, myoyo mkasimwakulupilila jemanjajo, atamose ali aŵecete ni m'mwejo maloŵe gambone camtuli.”

Yelemiya 9:8

Lulumi lwawo luli mpela mpamba wesongoce mnope; ndaŵi syosope ni pakamwa pawo akusaŵeceta ya unami. Jwalijose akusaŵeceta maloŵe gambone kwa mjakwe, nambo citamileco ali mkusaka mu mtima mwakwe kuti amtende ciswamba.

Esek 28:2

“M'mwe mwanace jwa mundu, mwasalile mwenye wa ku Taya yinguti une AMBUJE Mlungu, pakuti mkusalikusya mtima ni mkusaŵeceta kuti, ‘Une ni mlungu, ngusatama mpela mwenye pa citengu ca milungu pasikati pa nyasa jakusokoka.’ Nambo cosopeco mli mundu basi, ngaŵa mlungu, atamose mkusalitenda ŵalunda mpela mlungu.

Esek 28:9

Ana timciŵecetape kuti m'mwejo mli mlungu pameso pa ŵandu ŵakwawulaga? Iyayi, timciŵa mundu wamba m'myala mwa ŵakumwulagawo.

Esek 29:3

Mwasalile kuti ayi ni yakuti AMBUJE: Une ndili m'magongo jwenu, Mwenye jwa ku Iguputo, m'mwe ngwena jakogoya mnope jagona mu lusulo. Mkuŵeceta kuti Lusulo lwa Nayilo luli lwenu soni m'mwejo mwalupanganyisye.

Daniele 7:25

Taciŵeceta yakusisyana ni Mlungu Jwamaciligosope, nipo tacalagasya ŵakumlambila Mlungujo. Tacilinjilila kucenga masiku ga yindimba ni malamusi ga dini. Ŵaswela mtima ŵala tacilamulidwa ni mwenye jweleju pa ndaŵi jakwana yaka yitatu ni hafu.

Daniele 7:8

Pinaliji mkuganisya ya misengojo, nawuweni msengo wine wamwana ulimkumela pasikati pa misengojo. Misengo jitatu mwa jandanda jila ŵajicuŵile kuti jinejo jipate mpata. Pa msengo welewu paliji pana meso mpela ga mundu nambo soni pakamwa, pipaŵecetaga yakulikwesya.

Mala 3:13

“Mŵecete maloŵe gakupweteka kwa une,” ni yikuti une AMBUJE. “Nambo mkusati, ‘Ana twaŵecetele cici?’

2 Petulo 2:18

Jemanjajo akusaŵeceta maloŵe gakulikwesya gakuloŵela, ni yilakolako yakusakala ya cilu akusiŵanyenjelela ŵandu ŵagambile kulupuka kwene sikati ja acimjawo ŵakusakala ŵala.

Yuda 1:16

Ŵandu ŵakwe naŵa: ŵakunyinyita, ŵakudandawula, ŵagamba kuya yakunyalaya ya lisosa lya mtima wawo. Akusaŵeceta mwakulilumba acimsyenepe soni akusiŵalumba ŵandu ŵane mwa unami ligongo lyakusosa kupata pindu.

Chunukuko 13:5

Cilombo cila cakundidwe kuti ciŵecete maloŵe gakulikwesya ni gakumnyosya Mlungu. Capegwile macili gakulamulila kwa miesi makumi mcece ni jiŵili.

1 Sam 2:3

Alece kuŵeceta mwakulilapilila, akaŵeceta soni mwakulikwesya. Pakuŵa AMBUJE ali Mlungu jwalunda losope, nipo akusayilamula yitendo yosope ya ŵandu.