Masalimo 12:2 - Chiyawo Bible

² Jwalijose agamba kumlambusya mjakwe; akusalambusyana jwine ni mjakwe yanganiyiŵayo.

Masalimo 12:2 Iomraidhean Croise

Ŵaloma 16:18

pakuti ŵandu ŵa syele ndamosyo ngakumtumicila Klistu Ambuje ŵetu, nambo akusagamba kutumicila yakusaka ya mitima jawo. Ni kuŵeceta ni maloŵe gawo gambone gakunonyelesya akusiŵalambusyaga ŵandu ŵangalemwa.

Yelemiya 9:8

Lulumi lwawo luli mpela mpamba wesongoce mnope; ndaŵi syosope ni pakamwa pawo akusaŵeceta ya unami. Jwalijose akusaŵeceta maloŵe gambone kwa mjakwe, nambo citamileco ali mkusaka mu mtima mwakwe kuti amtende ciswamba.

Masalimo 41:6

Mundu jwakusayika kukundola une akusaŵeceta maloŵe gangali mate; mu mtima mwakwe akusaganisya yakusakala ya une, ni pakopoka, akusaja kuyiŵandisya.

Masalimo 144:8

ŵele ŵakusaŵeceta ya unami, ni akusalumbila ya unami.

Masalimo 10:7

Ciŵeceto cakwe cigumbele ni malweso, kulambusya ni kogoya; jwakwanguya kuŵeceta ya utindani ni maloŵe gakusakala,

Masalimo 5:9

Yakuŵeceta amagongo ŵangu yili yangakulupicika, maloŵe gawo gagumbele ni unami. Akwamba kusacilila kuŵeceta maloŵe gakuwulagasya.

Yakobo 1:8

pakuti jwelejo ali mundu jwa unakunaku, soni jwangatamilicika mu yitendo yakwe yosope.

Masalimo 28:3

Akasandyosya une pamo ni ŵandu ŵakusakala, ŵandu ŵakutenda yangalumbana; ŵele ŵakusaŵeceta ya mtendele ni acalongo acimjawo, nambo mitima jawo jigumbele ni uŵengani.

1 Ates 2:5

Jemanja mkumanyilila, kuti uwe nganituyika kumangwenu kuno ni maloŵe gawutambwali kapena ni mtima wakusaka kupindula iyayi. Pa yeleyi Mlungu ali mboni jetu.

Esek 12:24

“Myoyo ngasigawoneka soni mesomkulola ga unami kapena kutenda cisango ca unami pasikati pa Aisalaeli.

Misyungu 29:5

Mundu jwakusaŵeceta maloŵe gambone mwakumlambusya mjakwe, akusalitega citega msyene jika.

Misyungu 20:19

Mundu jwakusaja kutenda ya unami, akusapita mcilumukula ya asili, ni ligogo lyakwe kasimkamulanaga naco cisilu camti myoyoco.

Masalimo 144:11

Ambokasye kwa amagongo ŵangalwe, angulupusye m'makono mwa acalendo, ŵakusaŵeceta ya unami ni kulumbila* ya unami.

Masalimo 62:4

Cakulinga cawo cili cagambakusosa kumgwisya pa malo gakwe ga ucimbicimbi. Akunonyela kuŵeceta ya unami. Akusapeleka upile wa pakamwape, nambo mu mtima mwawo akusalwesa.

Masalimo 55:21

Maloŵe gakwe galiji gakusalala mpela mawuta ga batala, nambo mu mtima mwakwe mwaliji mwana ngondo, maloŵe gakwe galiji gakoloŵa kugapunda mawuta, nambo ŵakwete upanga weswekuleswekule.

Masalimo 59:12

Atanjile ni kupoka kwawo, ligongo lyakulemwa kwa mkamwa mwawo, ni maloŵe ga ngomo syawo, ligongo akusalwesa ni kuŵeceta ya unami.

Masalimo 38:12

Ŵandu ŵakusosa umi ŵangu akundejela ngonji; ŵakusaka kumbweteka, akuŵeceta yakunjonanga, lisiku lililyose akusaganicisya yakundenda ciswamba.

Masalimo 116:11

Pinatendaga woga, natite, “Ŵandu wosope ali ŵangakulupicika.”

Misyungu 20:6

Ŵandu ŵajinji akusaŵeceta yakulupicika kwawo, nambo nduni jwampaka amsimane mundu jwakulupicika kusyesyene?

Yelemiya 7:28

Myoyo timwasalile jemanjajo kuti, Awu uli mtundu wa ŵandu ŵimkanampikanila AMBUJE Mlungu jwawo, soni nganasaka kuti kulijiganya kutyocela ku cilango ciŵapegwile. Maloŵe gakuwona gasyesyene gamalile nipo pakamwa pakusagamba kuŵeceta ya unaminamipe.

Mika 7:2

Ŵandu ŵambone amasile pa cilambo capasi, pangali ni jumo jose jwali jwakulungamika. Wosope akuŵililana mwaciswamba. Jwalijose akumsakulila mjakwe ku ukonde.