Masalimo 102:9 - Chiyawo Bible

⁹ Pakuŵa ngusalya liwu mpela cakulya, ni cakumwa cangu cikusawanganyicilana ni misosi.

Masalimo 102:9 Iomraidhean Croise

Yobu 3:24

M'malo mwakuti ndye cakulya, ngusalila, soni kuwuwula kwangu kuli kwangamala.

Masalimo 42:11

Ligongo cici mkukola canasa, m'mwe mtima ŵangu? Ligongo cici mkulaga myoyo mkati mwangu? Mumkulupilile Mlungu, pakuŵa tinjalumba soni ŵelewo, ŵali cikamucisyo cangu ni Mlungu jwangu.

Masalimo 42:3

Ngulila musi ni cilo, ngacipasya kose cakulya cilicose, ŵandu akumbeceta une acitiji, “Mlungu jwenu ali kwapi?”

Masalimo 69:21

Ŵambele ndulu kuti ciŵe cakulya cangu, ni ŵamwesisye finyo jwecesuce pijangwete une njota.

Masalimo 80:5

Ŵalisisye canasa mpela mkate ni ŵapele misosi mpela cakumwa.

Yesaya 44:20

Mundujo akutenda mpela kulya liwu, nganisyo syakwe syakusakala simsokonesye mwakuti ngaŵa mkulupusya umi wakwe. Ngaŵa soni mkuliwusya kuti ana cindu cili myala mwanguci ngaŵa ca unami?

Mika 1:10

Mkasimwasalila yeleyi amagongo ŵetu ku Gati. Mkakunda kuti amagongo ŵetu amwone mli kulila. M'malo mwakwe, mligalagatisye mu luwundu ku Beti Leafula kulosya canasa.

Mika 7:17

Tacikwaŵaga pa litaka mpela majoka, mpela soni yakupanganyidwa yine yakwaŵa. Taciyika ali mkutetemela ni ŵa woga kutyocela ku malo gawo gakucinjilicisidwa. Mwa woga tacigalawucila kwa ŵalakwe AMBUJE, Mlungu jwetu nipo tacitenda woga ni ŵalakwe.