Masalimo 102:8 - Chiyawo Bible

⁸ Amagongo ŵangu akumbecetela ya cipongwe masiku gosope, wosope ŵakunjembulusya akusalikolanga lina lyangu ni kulilwesa.

Masalimo 102:8 Iomraidhean Croise

Masalimo 2:1

Ana ligongo cici mitundu ja ŵandu jikupangana ya kwimucila? Ana ligongo cici ŵandu akutenda malindi gangali mate?

Masalimo 41:5

Amagongo ŵangu ŵakusosela yakusakala akusati, “Ana mundu jweleju taciwa cakaci, kuti tumliŵalile?”

Masalimo 55:3

Ngwasa mtima ligongo lya amagongo ŵangu akunjogoya, ligongo lyakuti ngusawusidwa ni kupondelesyedwa ni ŵandu ŵangalumbana. Akwika ni yisawusyo pa une; soni andumbilile ni kuŵengana ni une.

Masalimo 69:20

Mtima ŵangu ukasice ligongo lya yipongwe yingupocela, myoyo njasile mtima. Nasosilesosile ŵane ŵakuti andendele canasa nambo paliji pangali amta jumo. Nasosilesosile soni ŵane ŵakuti asangalasye nambo nganinamsimana amta jumo.

Masalimo 77:5

Ngusaganicisya ya masiku gakala; ni ngusakumbucila yaka yakalakala.

Masalimo 89:51

Akumbucile kuti ŵele ŵakunyosya une, ali amagongo ŵawo ŵalakwe jemanjajo akumseka mwenye juŵamtasile ŵalakwe mawuta.

Yesaya 65:15

Ŵandu ŵangu ŵakusagulidwa tacikolanga lina lyenu pakulwesa, nipo Une jundili AMBUJE tinjimwulaga. Nambo ŵakusambikanila tinjapa lina line lyasambano.

Yelemiya 29:22

Ligongo lya ŵandu ŵaŵiliwo, mena gawo tacigakolanga ŵandu ŵa ku Yuda ŵakutama ku Babiloniya pakwalwesa acimjawo, Tacijilaga kuti, ‘AMBUJE atende namwe yakomboleka mpela muŵatendele ni Sedekiya ni Ahabu, uŵajocedwe ali cijumi ni mwenye jwa ku Babiloni!’

Luka 6:11

Nambo Aciŵalimu ni Afalisi ŵala ŵatumbile mnope, mwakuti ŵatandite kupangana yitajile najo Yesu.

Masengo 26:11

Nalagasyaga kaŵilikaŵili m'nyumba syakupopelela ni kulinga kwakanganicisya kuti amnyosye Yesujo. Natendelaga ukali wakogoya, mwakuti nasawusyaga atamose ku misinda ja yilambo ya cilendo.

Masengo 7:54

Acakulungwa ŵanganya ŵala piŵapikene maloŵe ga Sitefano gala ŵatumbile mnope ni ŵatesile sinya.

Ŵaloma 15:3

Pakuti Klistu* nganatenda yindu gamba kusaka kulisangalasya msyene, nambo ni mpela muyalembedwele m'Malemba kuti, “Cipongwe ca ŵandu ŵakwanyosya ŵalakwe cingwilile une.”