Masalimo 102:4 - Chiyawo Bible

⁴ Mtima ŵangu awuputile nipo unyasile mpela manyasi gejumu, atamose cilakolako cakulya nganingola.

Masalimo 102:4 Iomraidhean Croise

2 Sam 12:17

Acakulungwakulungwa ŵa ku nyumba jakwe ja ucimwene, ŵajimi pa mbali pakwe kuti amjimusye. Nambo jwalakwe ŵakanile kwimuka, soni nginalya nawo cakulya ŵanduwo.

Esala 10:6

Kaneko Esala ŵatyosile ku Nyumba ja AMBUJE nipo ŵajile ku cipinda ca Yehohanani, mwanace jwa Eliyashibu, kwele kuŵacesisye kulila ligongo lya kungakulupicika kwa ŵandu ŵiŵawusile ku ukapolo ŵala. Pandaŵi jeleji nganalya mkate kapena kumwa cilicose.

Yobu 10:1

Mbesile nawo umi wangu. Myoyo tinjiŵeceta yidandawulo yangu mwagopoka. Tinjisala yipwetesi yosope ya mu mtima.

Yobu 30:30

Cilu cangu citandite kuŵilila ni kunyenyeka, soni mawupa gangu gakutenda mtukuta ligongo lya ciwawasa.

Yobu 33:20

Myoyo mundu jwakulwalajo akusanyalapa yakulya, atamose kuti yakulyayo yiŵe yakunong'a camtuli.

Yobu 6:4

Pakuti mipamba ja AMBUJE* Ŵamaciligosope jisomile une, nipo cilu cangu cikupikana kupweteka kwa mipambajo. Yakogoya ya Mlungu yisyungulile kuti yilimbane ni une.

Masalimo 102:11

Masiku gangu gali ciŵandika kumala, mpela mbwilili wa ndaŵi jegulo, nipo nyasile mpela manyasi.

Masalimo 102:9

Pakuŵa ngusalya liwu mpela cakulya, ni cakumwa cangu cikusawanganyicilana ni misosi.

Masalimo 37:2

Jemanjajo mwangakaŵa tacijumula mpela manyasi; ni taciwa mpela yakumela yayikunyala.

Masalimo 42:6

Une masile kwasa mtima, ni ligongo lyakwe ngwakumbucila ŵalakwe Mlungu pindili mcilambo ca Yolodani, ku Helimoni ni Kwitumbi lya Misala.

Masalimo 69:20

Mtima ŵangu ukasice ligongo lya yipongwe yingupocela, myoyo njasile mtima. Nasosilesosile ŵane ŵakuti andendele canasa nambo paliji pangali amta jumo. Nasosilesosile soni ŵane ŵakuti asangalasye nambo nganinamsimana amta jumo.

Masalimo 77:3

Pangusaganicisya ya Mlungu; mtima wangu ukusawuwula, pingukumbucila ya Jwalakwe; ngusajasa mtima.

Yesaya 40:7

Manyasi gakusajumula, maluŵa gakusanyala, naga ayipujile mbungo jakwe AMBUJE. Nditu ŵandu nganaŵa ŵakulekangana ni manyasi.

Malilo 3:13

Ŵasomile ni mpamba wakwe pa cilu cangu.

Malilo 3:20

Ndaŵi syosope ngambaganicisyape yeleyi, ni ligongo lyakwe njasile mtima.

Masengo 9:9

Kwa masiku gatatu, ŵatemi ali ngakulola nipo soni ngalya kapena kumwa kandu kalikose.