Masalimo 102:26 - Chiyawo Bible

²⁶ Yosopeyi tiyicimala, nambo ŵalakwe taciŵa ciŵelape, wosope taciwisala mpela yakuwala. Ŵalakwe akusayigalawusya mpela cakuwala, ni yikusamala.

Masalimo 102:26 Iomraidhean Croise

Yesaya 51:6

Mlole kwiwunde, mlole cilambo capasi. Kwiwunde kucisimilila mpela lyosi, cilambo capasi ticicimala mpela cakuwala, nipo ŵandu ŵakwe wosope taciŵa mpela membe. Nambo cikulupusyo cangu ticiciŵa cangamala, nipo kukulupusya kwa une tikuciŵa kwa ndaŵi syosope.

Matayo 24:35

Kwinani ni cilambo capasi tiyicimala, nambo maloŵe gangu ngasigamala macili kose.”

Yesaya 34:4

Lyuŵa, lwesi ni ndondwa tiyicinyelenyendukuka, nipo kwiwunde tikucipindika mpela mwakusatendela ni cipukutu ca yakulembedwa. Ndondwa syosope sicigwa mpela mugakusatendela masamba ga mpeleya kapena mkuju.

Chunukuko 20:11

Kaneko naciweni citengu ceswela ni jwele jwakusatama pelepo. Cilambo capasi ni ca kwinani yatisile pameso pakwe, mwakuti nganiyiwoneka soni.

Luka 21:33

Kwinani ni cilambo capasi tiyicimala, nambo maloŵe ga Mlungu ngasigamala macili kose.”

Chunukuko 21:1

Kaneko nakuweni kwinani ni cilambo capasi casambano. Pakuti kwinani kwandanda kula ni cilambo capasi candanda cila yaliji yili yityosile, soni nyasa jila paliji pali pangali.

Ŵaloma 8:20

Pakuti yakupanganyidwayo yaŵele yangali mate, ngaŵaga ligongo lyakuti yasacile kuti yiŵe myoyo, nambo ligongo lyakuti Mlungu ŵasacile kuti yiŵe myoyo. Nambo yakupanganyidwayo yikwete cembeceyo cakuti,

Yesaya 66:22

“Mpela cilambo capasi ni cakwinani casambano, yele yinayipanganyisye, tiyicitama mpaka kalakala pameso pangu, myoyo soni yisukulu yenu tiyicitama mpaka kalakala.

Masalimo 102:12

Nambo ŵalakwe, AMBUJE akusatama pa citengu cawo ca ucimwene kwa yaka yosope; yisukulu yosope tiyicakumbucila.

Yesaya 65:17

AMBUJE akuŵeceta kuti, “Ngupanganya cilambo ca kwinani casambano ni cilambo capasi casambano. Yiyatendece kalakala ngasayikumbucila soni, tiyiciliŵalicika nditu.

Ekisodo 3:14

Mlungu ŵamsalile kuti, “Lina lyangu lili, UNE NDILI. Mkasalile Aisalaeliwo kuti, ‘UNE NDILI andumile kwa jemanja.’

2 Ayi 19:15

ni ŵapopesile kwa AMBUJEWO kuti, “Ŵalakwe AMBUJE, Mlungu jwa Aisalaeli, ŵakusatama pa mpando wawo wa ucimwene pacanya pa akelubi, ŵalakwe jika ni ŵakusalamula ayimwene wosope ŵa pacilambo capasi. Ŵalakwe ni ŵaŵapanganyisye cilambo ca kwinani ni capasi pano.

Yobu 38:4

Ana mwaliji kwapi pinapanganyaga cilambo capasi? Naga mkumanyilila musalile.