Masalimo 102:25 - Chiyawo Bible

²⁵ Ŵalakwe ŵayiŵisile kala yilimbilimbi ya cilambo capasi; nombe ya kwinani ŵayipanganyisye ni makono gawo.

Masalimo 102:25 Iomraidhean Croise

Genesesi 1:1

Pandanda Mlungu ŵapanganyisye kwinani ni cilambo capasi.

Genesesi 2:1

Myoyo kwinani ni cilambo cosope capasi, ni yindu yosope yakutama mwelemo, ŵamasile kuyipanganya.

Masalimo 90:2

Mkanagapanganye matumbi, atamose mkanacipanganye cilambo ni pakutama ŵandu, ŵalakwe ali Mlungu kutandilila kwa yaka mpaka yaka yosope.

Masalimo 92:9

Kusyene amagongo ŵawo ŵalakwe AMBUJE amagongo ŵawo tacijonasika, wosope ŵa yitendo yangalumbana tacipwilingana.

Masalimo 96:5

Pakuŵa milungu josope ja ngosyo sya ŵandu jili yinyago, nambo AMBUJE ni juŵapanganyisye ya kwinani.

Ekisodo 20:11

Pakuŵa masiku msano ni limo, AMBUJE ŵamalisisye kupanganya kwinani, cilambo capasi ni nyasa, ni yindu yosope yamwelemo, nambo pa lisiku lya msano ni kaŵili ŵapumwile, ni ligongo lyakwe AMBUJE ŵalipele upile lisiku lya Sabato ni kuliswejesya.

Yesaya 38:10

Naganisyaga kuti tinjawuleje ku cilambo ca ŵawe ndili ciŵela mcanda jwamnono, nipo kuti tinjitama kukoko umi wangu wosope.

Yelemiya 32:17

“Ha! Ŵalakwe AMBUJE! Ŵalakwe AMBUJE ni uŵapanganyisye cilambo cakwinani ni cilambo capasi. Ŵalakwe ŵayipanganyisye ni ligasa lyawo lya macili. Pangali cakwakanika ŵalakwe.