Masalimo 102:21 - Chiyawo Bible

²¹ Kuti ŵele ŵanduwo alalicile lina lya AMBUJE mu msinda wa Siyoni, ni tacimlumba mu Yelusalemu.

Masalimo 102:21 Iomraidhean Croise

Masalimo 22:22

Myoyo tinjasalila acalongo acimjangu, yayitesile ŵalakwe. Tinjalumba ŵalakwe pa misongano ja ŵandu ŵawo.

Masalimo 79:11

Akupikane kuwuwula kwa ŵandu ŵali mu ukayidi, mwamacili gawo gamakulungwa ŵagopole ŵandu ŵaŵalamwilwe kuti ŵawulaje.

Masalimo 79:13

Sambano uwe ŵandu ŵawo ngondolo sya palulila pawo, tucatogolela ŵalakwe kwa yaka yosope; tucipeleka malumbo kwa ŵalakwe kwa yaka yosope.

Ekisodo 3:16

Mjawule mkasonganye acakulungwa wosope Aisalaeli pampepe, mkajile kwa jemanjajo kuti Une, AMBUJE, Mlungu jwa acinangolo ŵenu, Mlungu jwa Abulahamu, Isaki, ni Yakobo ŵambonecele une, ni ŵangombelesye kuti namsalile jemanja kuti, Mlungu ayice kwa jemanja, yosope yakutenda Aiguputo ayiweni.

Ekisodo 3:17

Mlungu asimicisye kuti tamkoposye ku Iguputo kuno ku mkulaga, ni takamjinjisye ku cilambo cakusicila ni cana cajila cambone, kumalo kwakutama Akenani, Ahiti, Aamoli, Apelesi, Ahifi, ni Ayebusi.’

Yesaya 51:11

Utacakulupusya AMBUJE taciwujilila, nipo taciwujilila ku Siyoni alimkwimba nyimbo. Pangope syawo tipacigumbalidwa lukondwa lyangamala. Tacipata lukondwa ni kusengwa, canasa ni kuwuwula tiyicimala.

Ŵaefeso 3:21

Mlungu aŵe ni lumbili mu mpingo ni mwa Klistu Yesu ku ndaŵi syangamala. Ami.*

1 Petulo 2:9

Jemanja mli lukosyo lwesagulidwe, ŵambopesi ŵa ku ucimwene, mtundu wesaguce, ŵandu ŵakweŵakwepe ŵa Mlungu. Ŵamsagwile jemanja kuti mkalalicile ya masengo ga macili ga jwele juŵamŵilasile jemanja kuti mkopoce mu cipi, ni mkajinjile mu lilanguka lyakwe lyakusimonjesya.