Masalimo 102:2 - Chiyawo Bible

² Akasisa ngope jawo pa ndaŵi jindili pa yisawusyo yangu, akasisila ngope jawo! Ambikane, Anjanje mwacitema pa ndaŵi jingwaŵilanga.

Masalimo 102:2 Iomraidhean Croise

Yobu 34:29

Ana Mlungu naga ali jii, ŵani ŵa mpaka aŵecete kuti jwalakwejo alemwisye? Naga jwalakwejo akusisa ngope jakwe, ŵani mpaka apakombole kumwona? Nambo jwalakwejo ni jwakusasamalila mundu kapena mtundu wa ŵandu,

Yobu 7:21

Ana ligongo cici ŵalakwe ngakungululucila ulemwa wangu ni kundyocesya yileŵi yangu? Pakuti ndaŵi jakuti njinjile mwilembe jisigele panandi, ŵalakwe tacisosasosa une, nambo tinjiŵa ndili mbwile.

Masalimo 104:29

Naga akuyisisila ngope jawo, yikusatenda woga ni kwasa mtima. Naga akuyityocesya lipuje yikuwa, ni kuwujila ku luwundu.

Masalimo 13:1

Ŵalakwe AMBUJE,* ana tandiŵalile mpaka cakaci? Ana tacisisila ngope jawo mpaka cakaci?

Masalimo 143:7

Ajanguye kunjanga, ŵalakwe AMBUJE! Njasile mtima mnope. Akasasisa ngope jawo ndakulandana mpela ŵandu ŵakwinjila mwilembe.

Masalimo 17:1

Ŵalakwe AMBUJE,* alipikane lipopelo lyangu pingwaŵenda kuti andendele cilungamo. Atejele lipikanilo ku lipopelo lya mundu jwawo jwakulupicika.

Masalimo 22:19

Conde AMBUJE akatalikangana ni une, ŵalakwe ali ŵakunjenjela une, ajanguye kwisa kukumbokasya.

Masalimo 27:9

Akasasisila une ngope jawo! Akandopola une jwakutumicila jwawo ali atumbile; ŵalakwe ŵaliji mkungamucisya, akanjasa, akandeka jikape ŵalakwe Mlungu, mkulupusyo jwangu.

Masalimo 31:2

Atejele mapikanilo kuti ambikane! Ajanguye kungulupusya! Ŵalakwe aŵe lwala pakutilila une, ni lipupa lyangu lyakulimba, lyakungulupusya.

Masalimo 40:13

Angulupusye, conde, ŵalakwe AMBUJE, akangamale kungamucisya une.

Masalimo 69:17

Akasisila ngope jawo une jwakutumicila jwawo, ajanguye kukungamucisya, pakuŵa ndili myisawusyo.

Masalimo 70:1

Angulupusye, conde, ŵalakwe Mlungu! AMBUJE* ajanguye kungamucisya une.

Masalimo 71:2

Nambo ambokasye ni kungulupusya, ligongo Ŵalakwe ali ŵagoloka.

Ekisodo 2:23

Pali papite yaka yejinji, Mwenye jwa ku Iguputo jula ŵawile. Ndaŵi josopeji Aisalaeli ŵaliji mkulila nawo ukapolo wawo ula, ŵalisile kuti apate cikamucisyo, ni kulila kwawo kwapikanice kwa Mlungu.

Ekisodo 2:24

Mlungu ŵakupikene kudandawula kwawo, ni ŵakumbucile cilanga* ciŵatesile ni Abulahamu,* Isaki, ni soni Yakobo.

Yesaya 43:2

Pitimcijomboka nyasa tinjiŵa namwe, pitimcijomboka sulo ngasimjigalwa nasyo Pitimcipitaga pamoto ngisimpya, malamba gakwe ngasigamjoca.

Yesaya 65:24

Tinjitenda yakuyisosa mkanamalisye kose kupopelela, Tinjapikana alimkuŵeceta kwene.

Yesaya 8:17

Tinjajembecela AMBUJE, ŵele ŵakusisila ngope jakwe lukosyo lwa Yakobo,* nipo tinjiŵika cembeceyo cangu mwa jwalakwejo.

1 Akoli 10:13

Kulinjikwa kumsimene nako jemanja ngakukulekangana ni kulinjikwa kwele ŵandu kuŵasimene nako. Mlungu ali jwakulupicika, jwalakwejo ngaŵa mkunda kuti jemanja mlinjidwe mwakupundanganya macili genu. Nambo pa ndaŵi jitimcilinjidwaga, jwalakwejo tacimlinganyicisya litala lyakuti mkulupucile, pakumpa jemanja macili kuti mpimilile.