Masalimo 102:12 - Chiyawo Bible

¹² Nambo ŵalakwe, AMBUJE akusatama pa citengu cawo ca ucimwene kwa yaka yosope; yisukulu yosope tiyicakumbucila.

Masalimo 102:12 Iomraidhean Croise

Yobu 14:2

Jwalakwejo akusasipuka mpela maluŵa, kaneko akusanyala, nipo jwangatamilisya, akusatila mpela mucikusatendela ciwilili.

Yobu 8:9

Umi wetu ukusaŵa wawujipi mwakuti ngatukusamanyilila kandu. Masiku getu pa cilambo capasi pano gakusapita mpela mucikusapitila ciwilili.

Masalimo 109:23

Sigele panandi kusimilila mpela ciwilili ca ligulo, andopwele mpela sombe.

Masalimo 135:13

Lina lyawo AMBUJE, lili lya yaka yosope; kupikanika kwawo kuli kwa yaka yosope.

Masalimo 9:7

Nambo AMBUJE akusatama pa citengu cawo kwa yaka yosope; Ŵaciŵicile cile citenguco kuti alamulileje.

Masalimo 90:6

Kundaŵiko gakusasipuka ni kutenjela, ligulo gakunyala ni kumula.

Ekisodo 3:15

Mkasalile Aisalaeli kuti, ‘AMBUJE, Mlungu jwa acinangolo ŵawo, Mlungu jwa Abulahamu, Isaki, ni Yakobo, ni jwele jwandumile kwa jemanja. Lyeleli ni lina lyangu mpaka kalakala. Ŵandu wosope ŵakupagwa msogolo tacingolanga Une ni lina lyeleli.

Yesaya 44:6

AMBUJE mwenye ni mkulupusyo jwa Isalaeli, AMBUJE Ŵamaciligosope akuŵeceta kuti, “Une ndili jwandanda soni jwakumalisya, pangali soni Mlungu jwine, nambo Une jikape.

Yesaya 60:15

“Atamose ŵandu ŵiŵamlesile ni kumŵenga, ngapita soni mwa wawo, tinjimtenda kuŵa jwamkulungwa mpaka ndaŵi syangamala, nipo timciŵa malo ga lukondwa ndaŵi syosope.

Malilo 5:19

Nambo ŵalakwe AMBUJE, ali mwenye jwangali mbesi, taciŵa ali mkulamula mpaka kalakala.

Detulonomo 33:27

Kwa AMBUJE ni kuli kwakutilila kwenu, ŵele ni ŵakumsunga pa cilambo capasi pano, ni macili gawo gangamala. Ŵatopwesye amagongo ŵenu wosope, ndaŵi jimwaliji mkwenda pa ulendo wenu, ŵamsalile soni kuti mwajonanje wosope.

Ŵaeblania 13:8

Yesu* Klistu* ali jujojo liso, lelo ni ku ndaŵi jangali pambesi.