Masalimo 102:1 - Chiyawo Bible

¹ Ŵalakwe AMBUJE,* apikane lipopelo lyangu; kulila kwangu kuyicile kwa ŵalakwe.

Masalimo 102:1 Iomraidhean Croise

2 Mbi 30:27

Ŵakutaga mbopesi ni Alefi ŵajimi nipo ŵapopesile kwajaliwasya ŵanduwo. Mlungu ŵagapikene mapopelogo nipo ŵajanjile jemanjajo.

Masalimo 12:5

Ligongo lyakuti ŵakulaga ŵasumwile yindu yawo, ni ŵakulaga akudandawula. AMBUJE akuti, “Tindendepo kandu sambano, tinakulupusye mpela mwakusacila jemanjajo.”

Masalimo 143:4

Ni ligongo lyakwe mtima ŵangu ulembwice mkati mwangu, mu mtima mwangu mukutenda woga.

Masalimo 143:7

Ajanguye kunjanga, ŵalakwe AMBUJE! Njasile mtima mnope. Akasasisa ngope jawo ndakulandana mpela ŵandu ŵakwinjila mwilembe.

Masalimo 145:19

Ŵakumjiticisya AMBUJE, akusiŵapa yakusaka yawo, akusakupikana soni kulila kwawo, ni kwakulupusya.

Masalimo 18:6

M'yisawusyo yangu naŵilasile AMBUJE, nalilile kwa Mlungu jwangu kuti angamucisye. M'Nyumba jawo ŵagapikene maloŵe gangu, ni ŵakupikene kulila kwangu.

Masalimo 39:12

“Apikane lipopelo lyangu ŵalakwe AMBUJE, ni akupikane kulila kwangu. Akatama jii pingwalilila ŵalakwe. Ndili mlendo jwawo jwangatamilisya, mundu jwakwamba kutama nawo, mpela muŵatendele acinangolo ŵangu wosope.

Masalimo 42:4

Mtima ŵangu ukusapweteka pingusakumbucila yakala, pinaliji mkwenda ni ŵandu ŵajinji, pakwalongolela ku Nyumba ja AMBUJE,* paliji pana ŵandu ŵajinji, acijimbaga ni kupeleka malumbo kwa Mlungu.

Masalimo 5:2

Akupikane kulila kwangu, ŵalakwe Mlungu ni mwenye jwangu. Pakuŵa kwa ŵalakwe ngupopela.

Masalimo 61:2

Une jwakutama ku cilambo cakutalikangana ni kumangwetu njasile mtima, ni ngwaŵilanga Ŵalakwe. Alongolele ku lwala lwakunyang'amala kumbunda une.

Masalimo 62:8

Ŵandu ŵangu, mumkulupilileje Mlungu ndaŵi syosope. Mumsalileje jwalakwejo yakusawusya yenu yosope, pakuti jwalakwejo ali kwakutilila kwetu.

Masalimo 77:3

Pangusaganicisya ya Mlungu; mtima wangu ukusawuwula, pingukumbucila ya Jwalakwe; ngusajasa mtima.

Ekisodo 2:23

Pali papite yaka yejinji, Mwenye jwa ku Iguputo jula ŵawile. Ndaŵi josopeji Aisalaeli ŵaliji mkulila nawo ukapolo wawo ula, ŵalisile kuti apate cikamucisyo, ni kulila kwawo kwapikanice kwa Mlungu.

Malilo 3:44

Ŵalakwe alisisile m'mawunde gakandapala kwele mapopelo getu ngaŵamkomboleka kwika.

Malilo 3:8

Nalisile mwakwesya maloŵe kuti angamucisye, nambo Mlungu ŵakanile kumbikanila.

Luka 22:44

Yesu ŵalasile mu mtima, ni ŵapopesile mnope mwakuti citukuta cakwe caliji mpela madondo gamakulungwa ga miasi gakugwila pasi.

Ŵaeblania 5:7

Pa ndaŵi jiŵaliji pa cilambo capasi cino, Yesu* ŵaŵendile ni kupopela mwakugumila ni kulila misosi kwa Mlungu jwele juŵajenele kumkulupusya ku ciwa. Pakuti Yesu ŵaliji ŵakulinandiya ni kulipeleka, Mlungu ŵagapikene mapopelo gakwe.

Ŵakulamula 10:16

Ni ŵajityosisye milungu jawo ja cilendojo ni kwalambila AMBUJE, nipo jwalakwe payice pakumtesya canasa ligongo lya yisawusyo yiŵasimene nayo Aisalaeli.

1 Sam 9:16

“Malaŵi ndaŵi mpela ajino, tinjimtumicisya mundu jwakutyocela ku lukosyo lwa Benjamini. Jwelejo timumjinjisye ucimwene kuti ŵalongoleleje ŵandu ŵangu Aisalaeli, nipo jwalakwe tacakulupusya jemanjajo kwa Afilisiti. Nakuweni kulaga kwa ŵandu ŵangu nipo nakupikene kulila kwawo pakuti akusoŵa cikamucisyo.”