Masalimo 101:5 - Chiyawo Bible

⁵ Mundu jwakusongona yacabe ya mjakwe pacisyepela tinjimjonanga. Mundu jwakupoka ni jwakulikwesya ngisinimkululucila.

Masalimo 101:5 Iomraidhean Croise

Masalimo 138:6

Atamose AMBUJE ali ŵapenani mnope, akwasamalila ŵandu ŵakulitimalika, nambo ŵandu ŵakulikwesya akusiŵamanyilila ali kwakutalicila.

Masalimo 15:3

jwangakutenda yakusinjilila. Jwangakumtendela yangalumbana mjakwe kapena jwangakuŵeceta mbili jacabe ja mjakwe.

Masalimo 18:27

Pakuŵa ŵalakwe akwakulupusya ŵandu ŵakulinondiya, nambo akwanondiya ŵandu ŵakulikwesya.

Masalimo 50:20

Mkutama pasi, ni kumlambucisya mlongo mjenu ya unami ni kuŵeceta ya misece ya mlongo mjenu jusyesyene.

Ekisodo 20:16

“Mkapeleka umboni wakumlambucisya mjenu.

Ekisodo 23:1

“Mkasimpeleka umboni wa unami. Mkamkamucisya mundu jwakulemwa, pakumpelecela umboni wa unami.

Misyungu 10:18

Mundu jwakusisa uŵengani akwete ngomo sya unami, soni mundu jwakusajenesya ya unami ali jwakuloŵela.

Misyungu 20:19

Mundu jwakusaja kutenda ya unami, akusapita mcilumukula ya asili, ni ligogo lyakwe kasimkamulanaga naco cisilu camti myoyoco.

Misyungu 21:4

Meso gakupoka jili mtima wakulikwesya, soni nyali ja ŵandu ŵakusakala jili ulemwa.

Misyungu 25:23

Mbungo ja mpoto ni jikusayikasya ula, myoyo soni msece ukusayicisya kutumbila.

Misyungu 30:13

Pana ŵane ŵakusalikwesya kwabasi, akusaliŵajisya kulitenda mpela ŵambone mnope.

Yesaya 2:11

Likwisa lisiku lyele kulikwesya kosope kwa ŵandu tikucimala, kulilumba kwa ŵandu tikucijonanjidwa, nipo AMBUJE jikape ni wutacipocela lumbili.

Esek 22:9

Mwa m'mwejo mwana ŵandu ŵa unami ŵakusasaka kuti acimjawo awulajidwe. Mwana ŵane ŵakusalya mbopesi syakupelecedwa kwa milungu jine. Mwana ŵandu ŵane ŵakutenda yakunyalaya.

Daniele 4:37

“Ni ligongo lyakwe sambano une Nebukadinesa ngusalambila, kwacimbicisya ni kwatendela ucimbicimbi mwenye jwakwinani. Yosope yakusatenda yili yambone, nipo matala gakwe gosope gali gakulungamika. Akusiŵanondiya wosope ŵakulikwesya.”

Lefitiko 19:16

Mkajenesya ngani ja unami ja mundu jwalijose, mkatenda kandu kalikose kampaka kamjigalile mundu jwine ku ciwa. Une ndili AMBUJE.

Luka 18:14

Yesu ŵatite, “Ngumsalila kuti jwakomesya msongoju ŵajawile kumangwakwe ali jwamkululucidwe ulemwa* wakwe kupunda Mfalisijo, pakuti jwalijose jwakulinondiya tacimkwesya, ni jwakulikwesya tacimtulusya.”

1 Akoli 5:11

Cele cinagopolelaga caliji cakuti jemanja mkasyoŵekana najo mundu jwakusalikolanga kuti ali jwakulupilila nambo citamileco jwalakwejo ali jwalilama, kapena jwa umbombo, jwakulambila milungu jine, jwakwasinjilila ŵane, jwakukolelwa kapena jwawiyi. Mkalyaga najo mundu jwamti myoyo.

1 Timoseo 3:11

Yalumo soni acakongwe akwenela kucimbicisidwa, nambo soni akaŵecetaga yakusakala yakwamba mundu jwine. Aŵeje ŵakuligosa ni ŵakulupicika pa yosope yakusatenda.

Tito 2:3

Yalumo soni acakongwe ŵacikulile, mwasalile kuti aŵeje ŵa ndamo syakucimbicika mu utame wawo. Akaŵaga ŵakwasinjilila acimjawo kapena kuŵa acikapolo ŵa cakumwa cakukolelwesya. Akwenela kuŵa ŵakwiganya yayili yambone,

1 Sam 2:3

Alece kuŵeceta mwakulilapilila, akaŵeceta soni mwakulikwesya. Pakuŵa AMBUJE ali Mlungu jwalunda losope, nipo akusayilamula yitendo yosope ya ŵandu.