Masalimo 101:4 - Chiyawo Bible

⁴ Tinjitama kwakutalikangana ni ŵandu ŵa mtima wakusakala. Ngisingunda kutenda cakusakala cilicose.

Masalimo 101:4 Iomraidhean Croise

Masalimo 119:115

Mundyocele jemanja ŵandu ŵakutenda yangalumbana, kuti une nipakombole kugasunga malamusi ga Mlungu jwangu.

Masalimo 26:4

Ngangutama nawo pampepe ŵandu ŵa unami; kapena kulongana nawo ŵandu ŵa ulamba.

Masalimo 26:5

Ngusinaŵenga ŵandu ŵakutenda yangalumbana; soni jwangatama pampepe ni ŵandu ŵakusakala.

Masalimo 6:8

Mtyoce pameso pangu jemanja ŵandu ŵakutenda yangalumbana, AMBUJE akupikene kulila kwangu.

Misyungu 11:20

Ŵandu ŵakusakala mtima AMBUJE akusiŵanyalaya, nambo ŵandu ŵa ndamo jambone akusiŵasangalasyaga AMBUJE.

Misyungu 22:24

Kasimtenda najo ubwanawe mundu jwakwanguya kupya mtima, mkajendaga najo mundu jwaukali.

Misyungu 29:27

Ŵandu ŵangali cilungamo akusaŵengana ni ŵandu ŵambone, myoyo soni nombe ŵandu ŵambone akusaŵengana ni ŵandu ŵangalumbana.

Misyungu 3:32

Ligongo AMBUJE akusaŵengana ni mundu jwakusakala, nambo ŵandu ŵakulungama akusiŵaŵika m'likuga lya ŵandu ŵakwe ŵakusiŵakulupilila.

Misyungu 8:13

Kogopa AMBUJE ni kuŵengana ni yakusakala; Kupoka ni kulikwesya, ngusaŵengana nayo, soni yitendo yakusakala ni kuŵeceta ya kunyenga ngusaŵengana nayo soni.

Misyungu 9:6

Mlece kugulugusya kwenu, kuti mkole umi, soni mjendeje mwitala lya umanyilisi.”

Matayo 7:23

Pelepo tinjasalila mwangasisa kuti, ‘Ngingum'manyilila kose. Mtyoce apa ŵandu ŵa yitendo yakusakala.’

2 Akoli 11:33

Nambo ŵandu ŵambisile mlukalala ni kundulucisya pa liwindo lya lipupalyo, ni nakulupwice m'makono mwawo.

2 Timoseo 2:19

Nambo cilimbilimbi cakulimbangana, cele ciŵaŵisile Mlungu, cili cakutamilicika nipo maloŵe galembedwe ni aga: “Ambuje akwamanyilila ŵele ŵali ŵakwe,” nipo soni, “Wosope ŵakuti ali ŵa Ambuje alece kutenda yangalumbana.”