Masalimo 101:3 - Chiyawo Bible

³ Ngasindola kose cindu cakusakala pameso pangu. Ngusaŵengana ni yitendo ya ŵandu ŵakwaleka ŵalakwe, ngayikunonyela kose.

Masalimo 101:3 Iomraidhean Croise

Yobu 31:1

Natesile Cilanga ni meso gangu kuti, ngapakombwele uli kumlolecesya jwamkongwe mwakumkumbila?

Masalimo 119:113

Nguŵengana nawo ŵandu ŵa unakunaku; nambo une nguganonyela malamusi gawo.

Masalimo 119:37

Agalekasye meso gangu kuti gakalola yindu yangali mate, ambe umi mpela mwa maloŵe ga cilanga cawo.

Masalimo 125:5

Nambo ŵandu ŵakukuya matala gangalumbana; AMBUJE tacatopolela kwali ŵandu ŵakutenda yangalumbana. Mtendele uŵe ni Isalaeli.

Masalimo 139:22

Nguŵengana nawo ni uŵengani usyene. Ngusinatenda amagongo ŵangu.

Masalimo 14:3

Nambo ŵandu wosope ali ŵasokonecele, ŵandu wosope ali ŵakusakala. Pangali jumo jose jwakusatenda yambone, pangali atamose jumo jose.

Masalimo 36:3

Maloŵe ga pakamwa pakwe gangalumbana ni ga unami, ngakupatenda kose yayili yalunda ni yambone.

Masalimo 39:1

Natite, “Tinjisamala yitendo yangu, kuti ngalemwa pakuŵeceta. Tinjiwugala pakamwa pangu ndaŵi syosope pindili nawo ŵandu ŵakusakala.”

Masalimo 40:4

Jwana upile mundu jwakwakulupilila AMBUJE, mundu jwangakusepucila ku milungu jakupanganya ni yala, kapena kupwatikana ni ŵandu ŵakusalambila milungu ja unami.

Masalimo 41:9

Atamose mjangu jwapamtima junamkulupilile; juŵaliji mkulya pampepe ni une; anjimucile.

Masalimo 78:41

Kaŵili kaŵili ŵamlingaga, ni ŵamtandaga Jwamswela jwa Isalaeli.

Masalimo 78:57

Nambo jemanjajo ŵaliji ŵakulepeceka ni ŵangakulupicika mpela acinangolo ŵawo. Ŵaliji ŵangali mate mpela ukunje wetocomale.

Masalimo 97:10

AMBUJE akwanonyela ŵandu ŵakuyiŵenga yakusakala. Jwalakwe akuwusya umi wa ŵandu ŵakwe ŵaswela mtima. Akusiŵapokasya m'makono mwa ŵangalumbana.

Ekisodo 20:17

“Mkakumbila nyumba ja mjenu. Mkakumbila ŵakongwe ŵa ajenu, atamose ŵamasengo ŵakwe ŵalume, atamose ŵamasengo ŵakwe ŵakongwe, atamose ng'ombe jakwe, atamose bulu jwakwe kapena cindu cilicose ca mjenu.”

Ekisodo 32:8

Alesile mwacitema yosope yene yila yinalamwile kuti ayitendeje. Alipanganyicisye mwanace jwa ng'ombe jwakusungunula jwa golidi, akumlambila ni akumtajila mbopesi, ali mkusala kuti, ‘Aji ni milungu jenu jijamkopwesye mcilambo ca Iguputo.’ ”

Misyungu 6:12

Mundu jwacabecabe, mundu jwakusakala, akusagambaga kwendajenda apa napopo kuja mkwenesya ya unami basi.

Misyungu 6:13

Akusaŵeceta ni makono gakwe ali mkusisinila soni kupalapasa pasi ni makawu gakwe.

Misyungu 6:25

Kasimkumbilaga kusalala kwakwe mu mtima mwenu, kasimjigalika nago meso gakwe gakombola kunyenjelela.

Misyungu 8:13

Kogopa AMBUJE ni kuŵengana ni yakusakala; Kupoka ni kulikwesya, ngusaŵengana nayo, soni yitendo yakusakala ni kuŵeceta ya kunyenga ngusaŵengana nayo soni.

Jwak 6:9

Kuli kwambone gambaga kuyilola yinduyi ni meso kulekangana ni kuyisakaga mu mtima. Yeleyi yili yangali mate.

Yesaya 30:11

Mtyoce apa mkasimtama petala. Ngatukusosa soni kupikana ya Ŵaswela ŵala ŵa Isalaeli.’ ”

Yesaya 33:15

Jwampaka apakombole ali mundu jwakusatenda yakulungamika soni kuŵeceta yakuwona, jwakusakana cakupata cakucisimana mwakunyenga. Jwakusaligosa kuti akasakamula ya cipupu, jwakusawugala m'mapikanilo gakwe kuti agapikane maloŵe ga ŵakupangana kuwulaga acimjawo. Ŵakusawugala m'meso kuti akayiwona yakusakala.

Yelemiya 22:17

Nambo nganisyo ni mtima wenu nganiyiŵa pane soni, yili pa kupata cakupata mwa litala lya unami, pa kuwulaga ŵandu ŵangalemwa, ni pa ngalwe ni kwalagasya ŵandu ŵane.

Mika 2:2

Akusasumula migunda kapena majumba naga agakumbile. Akusamlagasya mundu ni liŵasa lyakwe ni kumsumula yosope yakwete.

Sakaliya 8:17

Mkaganisyaga ya matala gakonangana jwine ni mjakwe. Mkapeleka umboni wa unami mwakulumbila. Ngusaŵengana ni kuŵeceta ya unami, kutenda yangali cilungamo, ni njojo.”

Matayo 5:28

Yambone, nambo une sambano ngumsalila kuti, mundu jwalijose jwakumlolecesya jwamkongwe ni kumkumbila, atesile najo kala cikululu mu mtima mwakwe.

Ŵaloma 12:9

Cinonyelo ciŵeje cisyesyene. Mciŵenjeje cicili cakusakala, ni mŵiceje mtima wenu pa kutenda yambone.

Ŵagalatia 4:9

Nambo sambano kum'manyilila Mlungu, kapena mbecete kuti sambano Mlungu ni jwakum'manyilila jemanja. Nambi uli sambano mkuwujila soni ni kutenda misyungu jakusakala ni jangali mate jila? Ana ligongo cici mkusaka kuŵa soni acikapolo ŵa misyungujo?

Detulonomo 13:17

Mkaja kujigala yindu yiliyose ni kuyisunga ya wele msindawo, yele yamlamwile AMBUJE kuti mkayijonanje. AMBUJEWO tacimtendela canasa, soni tacileka kumtumbilila, ni timciŵa ŵandu ŵajinji, mpela muŵatendele cilanga* ni acinangolo ŵenu.

Detulonomo 15:9

Mkaja kola nganisyo syakusakala ni kuŵeceta mu mtima mwenu kuti, “Nganimkongosya mundu jweleju ligongo caka cakusimasya ngongole ciŵandicile. Naga ngumpa mbiyasi sambano, jwalakweju ngisawusya mbiya syangusi.” Naga ngamkulosya mtima wakumtendela canasa mlongo mjenu jwakulagajo, jwalakwejo tacalilila AMBUJE ali mkumdandawula m'mwejo, ni timcisimanika kuti m'mwejo mli ŵakulemwa.

Ŵaeblania 10:39

Uwe ngaŵa ŵandu ŵamti nikuwujila munyuma ni kwasika iyayi, uwe tuli ŵandu ŵakulupicika nipo tukulupwice.

Yoswa 23:6

Myoyo msamalicisye mnope kuti mpikanile ni kuyitenda yosope yene yiŵalembile Mose* m'buku ja Malamusi. Mkanyosya mbali jimo jilijose ja Malamusigo,

2 Petulo 2:21

Yikaliji yambone yikaŵe kuti jemanjajo ngakulimanyilila litala lya cilungamo, kulekangana ni kulileka ali amanyilile lilamusi lyeswela liŵapelece Mlungu kwa jemanjajo.

1 Yohana 2:19

Ŵandu ŵelewo ŵatesile kutyoka pasikati petu, nambope nganaŵa ŵa mwikuga mwetu kusyesyene, pakuti jemanjajo akaŵe kuti ali ŵa mwikuga mwetu akaliji ciŵela ni uwe. Nambo ŵatutyocele ni cakulinga cakuti awonecele pakulanguka kuti mwa jemanjajo paliji pangali atamose jumpepe juŵaliji jwa mwikuga lyetu.

1 Sam 15:11

“Ngutenda canasa kuti namsagwile Saulo kuti aŵe mwenye. Agalawice nipo alesile kunguya une kwakuti nganagapikanila malamusi gangu.” Papopo Samuele ŵapile mtima, nipo ŵacesisye cilo cosope kwadandawulila AMBUJE.