Masalimo 101:2 - Chiyawo Bible

² Tinjikuya litala lyangali ulemwa.* Nambi taciyika cakaci kwa une? Tinjitama m'Nyumba mwangu ni mtima wakulupicika.

Masalimo 101:2 Iomraidhean Croise

Genesesi 18:19

Namsagwile jwalakweju kuti tiŵalamulile ŵanace ŵakwe ni yisukulu yakwe ya msogolo, kuti tagapikanileje maloŵe gangu, pakutenda yindu yambone ni yakulungamika Nipo une tinjimtendela jwalakweju yindu yosope yinaŵisile cilanga.”*

2 Sam 8:15

Myoyo Daudi ŵaliji mkulamulila cilambo cosope ca Aisalaeli, ni ŵaliji mkwendesya yindu yosope mwacilungamo soni mwangali lusagu.

1 Ayi 11:4

Ali acekulwipe acakongwewo ŵatandite kumnyenjelela Solomoni kuti alambileje milungu ja cilendo. Myoyo Mwenye Solomoni nganakulupicika kwa AMBUJE Mlungu jwawo, ni mtima wawo wosope, mpela muŵatendele Daudi* baba ŵawo.

1 Ayi 9:4

Naga m'mwejo mkundumicila une mwakulupicika ni mwakulungamika, mpela mwele muŵatendelaga baba ŵenu Daudi,* soni naga mkuyitenda yindu yosope yinamlamwile ni kugapikanila malamusi gangu ni maloŵe gangu,

2 Mbi 15:17

Atamose kuti Asa nganajonanga malo gosope gakujilambila milungu mcilambomo, ŵelewo ŵakulupicice pameso pa AMBUJE pa masiku gosope ga umi wakwe.

2 Mbi 30:12

Mlungu ŵakamucisye ŵandu ŵa ku Yuda, nipo wosopewo ŵaliji ŵa mtima umpepe wakutenda yele yiŵalamulaga mwenye ni nduna syakwe, mpela muŵaŵecetele AMBUJE.

Masalimo 101:6

Ŵandu ŵakulupicika ŵa cilambo tinjasalalila mtima, ni tacitama pampepe ni une. Jwele jwakwenda mwitala mwangali cakulemwa tacindumicila.

Masalimo 119:106

Nalumbile, ni kusimicisya, kuti tinjigasunga majiganyo gawo gagoloka.

Masalimo 119:115

Mundyocele jemanja ŵandu ŵakutenda yangalumbana, kuti une nipakombole kugasunga malamusi ga Mlungu jwangu.

Masalimo 26:11

Nambo une, ngwenda mwakulupicika, andendele canasa ni kungulupusya une.

Masalimo 40:17

Uneji ndili jwakulaga ni jwangali cingwete; nambo AMBUJE akusangumbucila. Ŵalakwe ali ŵakungamucisya ni mkulupusyo jwangu. Akakokoŵa kwisa kukungamucisya ŵalakwe Mlungu jwangu.

Ekisodo 20:24

Mundaŵile malo gakupelecela mbopesi ga litaka, pelepo mpeleceje mbopesi syenu syakutinisya, ni mbopesi sya mkamulano, kutyocela ku ngondolo, mbusi kapena ng'ombe syenu. Pa malo gali gose gatinamsalile kuti mulambileje, Une tinjiyika kukumpa upile.

Yesaya 38:3

“Ŵalakwe AMBUJE akumbucile kuti mbele ndili mkwatumicila ŵalakwe mwakulupicika ni mwakulipeleka. Naliji mkutenda yindu yiŵasakaga ŵalakwe kuti une nayitende ndaŵi syosope.” Ali amasile kupopelako, Hesekiya ŵatandite kulila mwakupwetekwa mtima.

Detulonomo 6:7

Mkajiganye ŵanace ŵenu gele malamusigo mwakuwilisyawilisya, pa malo gali gose gatimkatame. Mkasalileje ya malamusigo ndaŵi syosope, kanga mli m'nyumba mwenu, kanga mli mkwenda mwitala, kanga mli mkupumula kapena mkukamula masengo.

Yoswa 24:15

Naga ngamkusosa kwatumicila AMBUJE, msagule lelo jino jutimumtumicileje, mwine milungu jiŵajilambilaga acinangolo ŵenu ku Mesopotamiya kapena milungu ja Aamoli, ŵimkutama nawo mcilambo cawo. Nambo kwa une ni liŵasa lyangu, tucatumicila AMBUJE.”

1 Sam 22:14

Ahimeleki ŵajanjile kuti, “Daudi ni msilikali jwakulupicika jwakwete wawo mwenye pasikati pa ŵa ngondo ŵawo! Jwejula ali mkwegwe jwawo, jwakulongolela jwa likuga lyawo lyakwacinjilicisya, nipo jwalijose jwa mwiŵasa mwawo akusamcimbicisya.