Masalimo 100:3 - Chiyawo Bible

³ M'manyilile kuti AMBUJE ali AMBUJE, ni ŵiŵatupanganyisye, uwe tuli ŵakwe, tuli ŵandu ŵakwe ni ngondolo sya palulila pakwe.

Masalimo 100:3 Iomraidhean Croise

2 Ayi 19:19

Sambano ŵalakwe AMBUJE Mlungu jwetu, tukwaŵenda kuti, conde atukulupusye uweji kwa Asiliya ŵeleŵa, kuti mitundu josope japasi jimanyilile kuti ŵalakwe jika, AMBUJE, ali Mlungu.”

1 Mbi 16:14

AMBUJE ali Mlungu jwetu, akusalamula cilambo cosope capasi.

Yobu 10:3

Ana yili yambone kuti wawo andagasye ni kunyosya une, ciwumbe cawo ni kwaŵicila kunyuma ŵandu ŵakusakala?

Masalimo 119:73

Makono gawo gangumbile ni kumbanganya une; ambe lunda lwakupikanicisya, kuti nilijiganye malamusi gawo.

Masalimo 12:4

Ŵandu ŵelewo akusati kuti, “Tucapunda ni maloŵe getu, pakuŵa pakamwa tukwete, ana nduni jwampaka atupunde?”

Masalimo 149:2

Isalaeli asangalale ni juŵapanganyisye, ŵandu ŵa mu msinda wa Siyoni* asangalale ni mwenye jwawo.

Masalimo 46:10

“Mjile jii, ni m'manyilile kuti ndili Mlungu. Mitundu ja ŵandu jikunjimbicisya, ŵa mcilambo capasi akulumba.”

Masalimo 78:52

Mlungu ŵakopwesye ŵandu ŵakwe mpela ngondolo, ni ŵalongolele jemanjajo mcipululu mpela yilangwa.

Masalimo 79:13

Sambano uwe ŵandu ŵawo ngondolo sya palulila pawo, tucatogolela ŵalakwe kwa yaka yosope; tucipeleka malumbo kwa ŵalakwe kwa yaka yosope.

Masalimo 95:3

Pakuŵa AMBUJE ali AMBUJE ŵakulungwa; ali mwenye jwamkulungwa jwakujipunda milungu jine josope.

Ekisodo 6:7

Timciŵa ŵandu ŵangu, Uneji tinjiŵa AMBUJE Mlungu jwenu. Ticimanyilila kuti une ndili AMBUJE, Mlungu jwenu, junamkulupwisye ku masengo gakupweteka gele gaŵamcisyaga Aiguputo kuti mgakamule.

Jwak 12:1

Mumkumbucileje soni Mlungu juŵampanganyisye m'mwejo m'masiku genu ga ucanda, mkanigamyicilile masiku gakusakala, soni mkaniyiyice yaka yitimcitiji kuti, “Umi umbesisye.”

Yesaya 63:11

Pelepo ŵanduwo ŵakumbucile yakalakala, masiku ga Mose* jwakutumicila jwa AMBUJE, nipo ŵawusisye kuti, “Ana sambano ali kwapi sambano AMBUJEWO uŵakulupwisye ŵandu ŵawo pamo ni jwakwalongolela pa nyasa? Ali kwapi AMBUJEWO uŵaŵisile mu ŵandu ŵakwe Msimu wawo Ŵaswela?

Yesaya 63:19

Tuŵele mpela ŵandu ŵimkinitulamulidwa ni wawo, mpela kuti nginituŵepo ŵandu ŵawo.

Yesaya 64:7

Pangali jwakusalilambila lina lyawo pakupopela, mwine kutenganyika kwene ni kuti aŵende cikamucisyo kwa Ŵalakwe. Atutumbilile ni kutuleka nipo atutesile kuŵa acikapolo ŵa ulemwa* wetu.

Yelemiya 10:10

Nambo AMBUJE ali Mlungu jusyesyene, jwalakwejo ali Mlungu jwa cijumi nambo soni ali mwenye jwampaka kalakala. Cilambo capasi cikusatenganyika ni ukali wa AMBUJE, soni ŵandu ŵa mitundu jine ngaŵa mkupakombola kupimilila ni ukali wakwewo.

Esek 34:11

“Yinguŵeceta Une AMBUJE Mlungu nayi, sambano tinasisosesose ngondolo syangu namsyene ni kusisamalilaga.

Yohana 17:3

Nipo umi wangamala ugopolela kuti ŵandu ŵamanyilile ŵalakwe ŵali Mlungu jikape ŵakuwona, nipo soni am'manyilile Yesu Klistu* juŵamtumile wawojo.

2 Akoli 4:6

Pajatu Mlungu ŵatite, “Lilanguka tiliciŵala kutyocela mcipi.” Mlungu jujojo ni juŵatumulicile m'mitima mwetu, kuti ŵandu amanyilile lumbili lwa Mlungu lwele lukuŵala pangope ja Klistu.

Ŵaefeso 2:10

Mlungu ŵatupanganyisye mpela mutuŵelelemu, nipo mwa Klistu Yesu ŵatupanganyisye kuti umi wetu uŵe wakamula masengo gambone gaŵaŵicile cilepe Jwalakwe kuti tugakamule.

Detulonomo 32:15

“Ŵandu ŵa AMBUJE ŵaliji ŵakusicila, ŵaliji ŵakwimbala ligongo ŵaliji mkulya cenene nambo jemanjaji, ŵamjimucile Mlungu jwawo juŵapanganyisye ŵamkanile jwakwacenjela ni mkulupusyo jwawo jwamacili.

Detulonomo 32:6

AMBUJE ni ŵiŵampanganyisye soni ni ŵali atati ŵenu. Nambo jemanja mwatendele yindu yakuloŵela ni yangali mate kose.

Detulonomo 4:35

AMBUJE ŵamlosisye yindu yosopeyo kuti jemanja m'manyilile kuti AMBUJE jika ni ŵali Mlungu, ni kuti pangali soni jwine.

Detulonomo 4:39

Myoyo mkumbucileje kuti AMBUJE ni ŵali Mlungu jika jwakuwona, jwakwinani ni cilambo capasi. Pangali soni Mlungu jwine.

Detulonomo 7:9

Myoyo mkumbucileje kuti, AMBUJE Mlungu jwenu ni jwali Mlungu jika basi, soni ali Mlungu jwakulupicika. Jwalakwe tacisunga cilanga cakwe, soni tacilosya canasa cakwe cangamala kwa ŵandu ŵa mipingo jejinji, ŵakumnonyela jwalakwe ni kugapikanila malamusi gakwe.

1 Petulo 2:25

Mwaliji mpela ngondolo syakusokonecela, nambo sambano mwujilile kwa mkucinga jwali jwakumlolela jemanja.

1 Petulo 2:9

Jemanja mli lukosyo lwesagulidwe, ŵambopesi ŵa ku ucimwene, mtundu wesaguce, ŵandu ŵakweŵakwepe ŵa Mlungu. Ŵamsagwile jemanja kuti mkalalicile ya masengo ga macili ga jwele juŵamŵilasile jemanja kuti mkopoce mu cipi, ni mkajinjile mu lilanguka lyakwe lyakusimonjesya.

1 Petulo 4:19

Ali ni ligongo lyakwe kuti ŵele ŵakulaga ligongo lyakuti lili lisosa lya Mlungu, jemanjajo akwenela kupitilila mu masengo gawo gambone kupeleka ma umi gawo m'myala mwa Mkupanganya jwawo jwakulupicika.

1 Yohana 5:20

Tukumanyilila kuti Mwanace jwa Mlungu jwayice, ni ŵatupele lunda kuti tum'manyilile Mlungu jwakuwona. Uwe tuli mwa jwalakwejo jwali jwakuwona, ligongo tuli mwa mwanace jwakwe Yesu Klistu. Jwalakwejo ali Mlungu jwakuwona nambo soni ali umi wangamala.