Masalimo 10:4 - Chiyawo Bible

⁴ Mundu jwakusakala jwangasamalila kose ya AMBUJE; ligongo lyakutwanga kwakwe. Mu mtima mwakwe akusatiji, “Kwangali Mlungu.”

Masalimo 10:4 Iomraidhean Croise

Genesesi 6:5

AMBUJE piŵayiweni kuti yitendo ya ŵandu ŵa pa cilambo capasi yili yakusakala mnope, ni kuti soni nganisyo sya mitima jawo sili syakusakala ndaŵi syosope,

Yobu 22:17

Jemanjaji, ŵamsalile Mlungu kuti, Atulece twacimsyewe, ana Mlungujo mpaka atende cici kwa uweji?

Masalimo 101:5

Mundu jwakusongona yacabe ya mjakwe pacisyepela tinjimjonanga. Mundu jwakupoka ni jwakulikwesya ngisinimkululucila.

Masalimo 18:27

Pakuŵa ŵalakwe akwakulupusya ŵandu ŵakulinondiya, nambo akwanondiya ŵandu ŵakulikwesya.

Masalimo 27:8

Pajatu ŵalakwe ŵatite, “Yikani mulambile,” une najanjile kuti, “AMBUJE, tinalambile.”

Masalimo 36:1

Ulemwa* ukusaŵeceta mu mtima wa mundu jwangalumbana; jwanganakola kose woga ni Mlungu mu nganisyo syakwe.

Masalimo 53:1

Jwakuloŵela akusati mu mtima mwakwe, “Kwangali Mlungu.” Akusatenda yangalumbana ni yakunyalaya. Pangali ni jumo jose jwakusatenda yambone.

Masalimo 73:11

Akusati, “Ana Mlungu mpaka ayimanyilile camtuli? Ana Ŵakwinani Mnope akwete lunda?”

Ekisodo 5:2

Nambo Mwenye jwa ku Iguputo ŵatite, “Ana AMBUJE ni ŵani, ŵampakana napikanile une, kuti nalece Aisalaeli kuti ajawuleje?”

Misyungu 21:4

Meso gakupoka jili mtima wakulikwesya, soni nyali ja ŵandu ŵakusakala jili ulemwa.

Misyungu 30:13

Pana ŵane ŵakusalikwesya kwabasi, akusaliŵajisya kulitenda mpela ŵambone mnope.

Misyungu 30:9

Kogopela kuti ndakwikuta mnope ni kutanda kwakana ŵalakwe, njitiji kuti, “AMBUJE ni ŵani soni?” Kogopela soni kuti ndakuŵa jwakulaga, ni kutanda kwiŵa, pakuti kutenda myoyo kuli kulisakasya lina lya Mlungu jwangu.

Jwak 8:11

Ŵakulamula naga akucelewasya cilango ca ŵandu ŵa magambo, ŵandu ŵane akusalimba mtima ni kusakaga kutenda yakusakala nombe nawo.

Yesaya 2:11

Likwisa lisiku lyele kulikwesya kosope kwa ŵandu tikucimala, kulilumba kwa ŵandu tikucijonanjidwa, nipo AMBUJE jikape ni wutacipocela lumbili.

Yesaya 3:9

Uwonece wa ngope syawo sikulosya kuti jemanja mli ŵakulemwa mpela muŵatendelaga ŵandu ŵa ku Sodomu, myoyo jemanja ŵangalinga kusisa kose. Likungu kwa jemanjajo, lyatesile kuliŵilanjila acimsyene.

Yesaya 59:7

Akusawutucila kuja kutenda yakusakala, ŵangakaŵa kuwulaga ŵandu ŵangalemwa. Nganisyo syawo syosope sili pa yakusakala. Kulikose kwakusajawula akusalekako masame, soni akusajonanga.

Yesaya 65:2

Ndaŵi syosope mbele jwakoseka kwapocela mwa mtendele ŵandu ŵakunjimucilaŵa, ŵakusatenda yakusakala ni kugakuya matala gawo ligongo lya ungapikanila wawo.

Yelemiya 2:31

Jemanja ŵimli ŵa mpago awuno, mgapikanileje maloŵe ginguŵeceta unejiga. Ana mbele mpela cipululu kwa jemanja Aisalaeli, kapena ndili mpela cilambo ca cipi camti bii? Nambi ligongo cici sambano ŵandu ŵangu akuŵeceta kuti, uwe tuli alukosyo, soni tukusituyika kwa jemanja?

Yelemiya 4:14

Jemanja ŵandu ŵakutama mu Yelusalemu, mtyosye yakusakala m'mitima mwenu kuti mkulupuce. Ana nganisyo syenu timciŵa nasyope mpaka cakaci?

Sefaniya 1:12

“Ndaŵi jelejo tinjijigala nyali ni kusosasosa mu Yelusalemu. Tinjapa cilango ŵandu ŵagamba kutama ni kulitenda kuti ali cenene soni ni kulikulupilila jikape, ŵele ŵakusati acimsyene kuti, ‘AMBUJE ngasatenda cindu cilicose, cambone kapena cakusakala.’

Sefaniya 2:3

Mwasosejesoseje AMBUJE, jemanja ŵakulinandiya, jemanja ŵimkusapikanila malamusi gakwe. Mtendeje yayili yakulungama, ni kulinandiya mwacimsyene pameso pa AMBUJE. Mwine mwakwe timcikulupuka pa lisiku lya lutumbilo lwa AMBUJE.

Maliko 7:21

Ligongo mkati mwa mitima ja ŵandu ni mukusakopoka nganisyo syakusakala mpela ya msangu, yawiyi, ya kuwulagana,

Masengo 8:22

Mpitikuce mtima sambano mlece ungalumbana wenu ni mpopele kwa Ambuje, kuti mwine mwakwe amkululucile nganisyo sya mu mtima mwenu.

Ŵaloma 1:21

Atamose kuti jemanjajo ŵam'manyi Mlungu, m'malo mwakuti amlumbe jwalakwejo kapena kumtogolela, nganisyo sya ŵanduwo syaliji syangali mate, nipo soni m'mitwe mwawo mugumbele ni nganisyo syakusakala.

Ŵaloma 1:28

Pakuti jemanjajo nganayitendela masengo ya kumpikanila Mlungu, Mlungujo ŵalesile jemanjajo mu nganisyo syawo syakusakalasyo, pakuti ŵatendaga yangasosekwa.

Ŵaefeso 2:12

Sambano kumbucilani kuti pa ndaŵi jejila mwaliji ŵakutalikangana ni Klistu. Mwaliji acalendo nipo nganimŵa kose ŵandu ŵakusagulidwa ni Mlungu. Mwaliji ŵangali mbali mu yilanga ya Mlungu yele yiŵatite kuti tacapa ŵandu ŵakwe nipo mwatamaga pa cilambo pano mli ŵangali cembeceyo, soni ŵangali Mlungu.

Detulonomo 8:14

Pitimkayiwone yele yinduyi yili mkutendekwa, conde mkaja kuŵa ŵandu ŵakupoka, nikwaliŵalila AMBUJE Mlungu jwenu juŵamkulupwisye jemanja ku Iguputo kumwaliji acikapolo.