Masalimo 10:3 - Chiyawo Bible

³ Pakuŵa mundu jwakusakala akulitwanjila lisosa lya umi wakwe, ni mundu jwakucinonyela cipanje, akusanyosya ni kwakana AMBUJE.

Masalimo 10:3 Iomraidhean Croise

1 Ayi 20:25

Soni ŵasonganye asilikali wa ngondo ŵajinji, winji ŵakwe mpela asilikali ŵa ngondo ŵandanda ŵiŵajonasice ŵala, winji wa mahaci gaŵe mpela galagala, ni winji wa mageleta mpela galagala soni. Tukamenyane nawo Aisalaeli ulendo awuno ku ciŵata. Nditu ngatuja kulepela, tukapunde.” Mwenye Benihadadijo ŵakamulene nago maloŵe giŵaŵecete acakulungwakulungwa, nipo ŵayitesile yosopeyo.

Yobu 31:24

Nganimbika mtima wangu pa yipanje, kapena kudalila pa golidi* jwangu jwambone mnope.

Masalimo 35:21

Akuseka mwakugumila acitiji, “Aa! Meso getu gayiweni yiyatendekweyo.”

Masalimo 49:18

Atamose mundujo ali cijumi akusalitenda msyene kuti ali pambone, atamose alumbidwe pele payikumjendela yindu cenene,

Masalimo 49:6

Ŵandu ŵamti myoyo akukulupilila cipanje cawo, akupoka ligongo akwete cipanje cacijinji.

Masalimo 5:6

Ŵalakwe akwajonanga wosope ŵa unami; Ŵalakwe akwanyosya ŵakuwulaga ŵandu ni ŵakwalambucisya ŵane.

Masalimo 52:1

Ligongo cici mkupoka ni masengo genu gakusakala m'mwe mundu jwamacili? Canasa ca Mlungu cili cangamala.

Masalimo 94:4

Akusaŵeceta mwakulinyakula ni akusapocela yangalumbana yawo.

Ekisodo 15:9

M'magongo jula ŵatite, ‘Tinakuye ni kwakamula, tinacigaŵanye cipanje cawo, mtima wangu tucijikutila naco. Tinjiswekula upanga wangu, ni kwajonanga ni mkono wangu.’

Misyungu 28:4

Ŵandu ŵangakusapikanila malamusi, akusanonyela kwalumba ŵandu ŵakusakala mtima, nambo ŵandu ŵakugakuya malamusi akusasisyana nawo.

Jwak 7:15

Pa umi wangu wangali matewu nayiweni yindu yosope. Naweni kuti ŵandu ŵambone akusawa mwacitema ligongo lyakutenda yindu yambone, nipo naweni ŵandu ŵangalumbana ali mkutama ni umi kwa ndaŵi jelewu, yakusakalayo ali mkutendape.

Yesaya 37:23

Ana m'mweji mwanyosisye ni kwalalatila ŵani? M'mwejo munyosisye une Mlungu Jwamswela jula jwa Aisalaeli.

Yesaya 57:17

Natumbilile ligongo lya ulemwa* wawo ni kunonyela yipanje, myoyo napele cilango jemanjajo ni kwaleka. Nambope jemanjajo ŵaliji ŵakulepeleka nipo ŵapitilisyaga kutenda yiŵasakaga acimsyene.

Yelemiya 22:17

Nambo nganisyo ni mtima wenu nganiyiŵa pane soni, yili pa kupata cakupata mwa litala lya unami, pa kuwulaga ŵandu ŵangalemwa, ni pa ngalwe ni kwalagasya ŵandu ŵane.

Lefitiko 26:30

Tinjigajonanga malo genu gakulambila gali pacanya pa matumbi, ni kugwisya malo genu ga kututumicisya ubani* nipo tinjiponya mitembo jenu pa yinyago yenu yakusepa yayili yangali umi. Nipo tinjiŵengana ni jemanja.

Habakuku 2:9

Likungu kwa ŵele ŵasicileje pakwajiŵila acimjawo, ni kwesya malo gakwe penani kuti cakogoya cikamyicila.

Luka 12:15

Kaneko Yesu ŵapitilisye kuŵeceta ni ŵandu ŵala kuti, “Mkalamuce, soni mligose pakukumbila yindu yiliyose, pakuti atamose mundu akole yipanje yejinji, yeleyo ngaŵa mkukulupusya umi wa mundujo.”

Luka 12:19

Kaneko tinjijila mu umi ŵangu kuti, Umi wangu mkwete yindu yejinji yambone yitiyicimkwanila kwa yaka yejinji. Mpumule sambano, mlye, m'mweje ni msangalaleje!’

Ŵaloma 1:29

M'mitima mwawo mwagumbele ni yindu yangalumbana yejinji, mpela kusakala, mitulo ni lupuso. Akusagamba ganisya ya wiwu, yakuwulaga ŵandu, ya ndeu, yakulambusya ni ya lupuso. Akusanonyela misogodo

Ŵaloma 1:32

Akusamanyilila Lilamusi lya Mlungu lyakuti ŵandu ŵakutenda yeleyi akuŵajilwa kuwa, nambo jemanjajo ŵakutenda yeleyowo, akusakamulana ni ŵandu ŵane ŵakusayitendaga yeleyi.

1 Akoli 6:10

ŵakusajiŵa, ŵa umbombo, ŵakukolelwa, ŵakwasinjilila ŵane kapena ŵali ŵawiyi ngisapocela Ucimwene wa Mlungu.

Ŵaefeso 5:5

M'manyilile ayi, kuti mundu jwalijose jwa cikululu, kapena jwakutenda ya usakwa, kapena jwa mitulo (pakuti jwa mitulo ali mpela mundu jwakulambila milungu jine) ngasajinjila mu Ucimwene wa Klistu ni wa Mlungu.

Detulonomo 29:19

Conde mkalamuce, kuti akapagwa mundu jwine jwalijose apano lelo, jwakugapikana gele maloŵega, nambo mu mtima mwakwe ali mganisya kuti, ticimjendelape cenene, atamose ali atesile makani ni kutenda yindu yiliyose yakusaka. Yeleyi ticigamba kumjigalila ŵandu wosopemwe yisawusyo, ŵandu ŵambone ni ŵakusakala wosope tacijonasika.

Detulonomo 32:19

“Piŵayiweni yele yinduyi AMBUJE, ŵatumbile, ni ŵakanile ŵele ŵanduwo, ligongo ŵanace ŵawo ŵacalume ni ŵacakongwe ŵamtumbilisye

Ŵakolosai 3:5

Myiwulaje sambano yakumbila ya mtima wenu ya cilambo capasi yayili mwa jemanja, mpela cikululu, ya usakwa, yakusaka yangalumbana, ni umbombo soni wele uli yalumo kulambila milungu jine.

Yakobo 4:13

Mlole sambano, jemanja ŵimkuti, “Lelo, mwine malaŵi tucijawula ku msinda wamtiwamti, nipo kweleko tutukatende malonda caka cimo kuti tukapate mbiya,”

Yakobo 4:16

Nambo naga muyiŵelele pelepa, jemanja akusalikwesya ni kulilumba. Kulikwesya kwamti iyiyi kuli ulemwa.*

1 Yohana 2:15

Mkacinonyelaga cilambo capasi kapena yindu ya pasi pano. Naga mundu akucinonyela cilambo capasi, cinonyelo cakwanonyela Ambuje mwa jwalakwejo mwangali.

Ŵakulamula 17:2

Jweleju ŵasalile mamagwe kuti, “Mundu jwine piŵajiŵile mbiya syawo sya silifa* 11,000, wawo ŵamlwesisye jwawiyijo. Une napikene wawojo ali mkuyitenda yeleyo. Mpikane, mbiyasyotu sili ni une. Une ni junajigele.” Mamagwewo ŵatite, “AMBUJE* ampe upile m'mwejo, mwanangu!”

1 Sam 23:21

Saulo ŵajanjile kuti, “AMBUJE ŵape upile jemanja pakuti asalalile une mtima.