Masalimo 1:2 - Chiyawo Bible

² M'malo mwakwe akusimana lukondwa pakugapikanila Malamusi ga AMBUJE, ni akugaganicisya malamusigo musi ni cilo.

Masalimo 1:2 Iomraidhean Croise

Genesesi 24:63

Nipo ligulo Isaki ŵajile kukwendajenda mu mgunda nipo piŵajinamukwice ŵasiweni ngamila silimkwisa kuŵaliji jwalakwe.

Esala 7:10

Esala ŵasimicisye mnope mu mtima mwakwe yakulijiganya Malamusi ga AMBUJE, ni kugakuya, soni kwajiganya Aisalaeli wosope.

Yobu 23:12

Mbele ndili mkulikuya litala liŵandosisye une mwakulupicika.

Masalimo 104:34

Mapopelo gangu aganonyele AMBUJE, pakuŵa ngusengwa mwa Jwalakwe.

Masalimo 112:1

Mwalumbe AMBUJE!* Jwana upile mundu jwakwajogopa AMBUJE. Jwakunonyela kusunga malamusi gakwe.

Masalimo 119:1

Ŵana upile ŵele ŵimkanakola ligongo lyakwajamucila; ŵele ŵakwenda ali mkukuya Malamusi ga AMBUJE.*

Masalimo 119:11

Nagasunjile maloŵe gawo mu mtima mwangu, kuti ngasinalemwecesya.

Masalimo 119:35

Alongolele kuti nigapikane malamusi gawo; ligongo ngusisangalala nago.

Masalimo 119:72

Malamusi giŵambele une gali gambone; kusipunda mbiya syejinji sya golidi ni silifa.

Masalimo 119:92

Ligongo malamusi gawo ganonyele une, nganimbwa, atamose yakupweteka yayicilile.

Masalimo 40:8

Une ngusayinonyela kuyitenda yakusosa ŵalakwe, Mlungu jwangu; malamusi gawo gali mu mtima mwangu.”

Masalimo 88:1

Ŵalakwe AMBUJE* Mlungu jwangu, ngwalilila ŵalakwe musi ni cilo kuti angamucisye.

Yelemiya 15:16

Pinapikene maloŵe ga ŵalakwe, nagapocele cenene, maloŵego gambele lukondwa ni kusangalala. Ŵalakwe AMBUJE Ŵamaciligosope, ngusamanyika ni lina lyawo.

Luka 18:7

Nambi Mlungu ngasiŵacenjela ŵakusagulidwa ŵakwe ŵakusapopela kwa jwalakwejo musi ni cilo? Ana tacigamba kwaleka?

Luka 2:37

Kutyocela pa ndaŵi jiŵawile ŵamkwakwejo, jwalakwejo ŵatemi pa umasije kuyicila pa msingu wa yaka makumi msano ni gatatu ni mcece yakupagwa. Jwakulocesya jwamkongweju nganatyokaga ku nyumba ja Mlungu mwakuti jwalakwejo jwanonyelaga kumtumicila Mlungu musi ni cilo, pakupopela ni kulijima yakulya.

Ŵaloma 7:22

Mtima wangu ukusasangalala ni Malamusi ga Mlungu,

1 Ates 2:9

Acalongo acimjetu, ngukulupilila kuti mkukumbucila mutukamulileje mnope masengo mpaka kupela. Twakamulaga masengo cilo ni musi kuti tukamlagasya jwalijose jwa jemanja ndaŵi jitwaliji mkulalicila Ngani Syambone sya Mlungu.

1 Timoseo 4:15

Mtendeje masengo gelega mwakusamalicisya ni mwakulipeleka, kuti ŵandu wosope ayiwone kuti umi wenu wa kutumicila ukuja msogolo.

2 Timoseo 1:3

Ngumtogolela Mlungu jwele jungusamtumicila ni mtima wangu wosope, mpela mwele muŵatendelaga acinangolo ŵetu. Ngusamtogolelaga jwalakwe mwangalecesya m'mapopelo gangu cilo ni musi ndaŵi jingusinamkumbucilaga jemanja.

Yoswa 1:8

Msimicisyeje kuti buku ja Malamusi jikuŵalanjidwa ndaŵi syosope syakupopela ŵandu. Mjiganicisyeje musi ni cilo, nipo mlolecesyeje kuti mkupikanila yosope yene yilembedwe mwelemo. Myoyo timcisicila ni kupunda kwakwe.

1 Yohana 5:3

Kumnonyela Mlungu kuli kugapikanila malamusi gakwe, soni nganigaŵa gakusitopesya.