Malilo 5:8 - Chiyawo Bible

⁸ Uwe tukulamulidwa ni acikapolo, nipo pangali atamose jumo jwampaka atukulupusye m'myala mwawo.

Malilo 5:8 Iomraidhean Croise

Genesesi 9:25

nipo ŵatite, “Alwesece Kenani! Taciŵa kapolo jwa acalongo acimjakwe.

Nehemiya 2:19

Nambo pa ndaŵi jele Sanibalati, Tobiya ni Geshemu jwa Ciluya piŵapikene ya nganiji, ŵatandite kutuseka ni kutunyosya uwe acitiji kuti, “Ana cimkutenda jemanja ni cici? Ana mkusaka kumjimucila mwenye?”

Nehemiya 5:15

Acibwanamkubwa ŵiŵapali kala une mkininjinjile m'malo mwawo ŵasawusyaga ŵandu pakwalamula jemanjajo kuti apeleceje yakulya ni finyo ni kwalipikasya soni mbiya sya silifa* syakwana 40 pa lisiku. Nombe ŵamasengo ŵawo ŵakanganicisyaga ŵandu. Nambo une nganindenda nawo yeleyo, ligongo namjogopagaga Mlungu.

Yobu 10:7

Ŵalakwe akumanyilila kuti une ndili jwangalemwa, soni pangali jwalijose jwa mpaka angulupusye une kwa ŵalakwe.

Yobu 5:4

Ŵanace wawo akusaŵa ŵangali citetelo; pakusipaŵa pangali jwalijose kuti ŵacenjele jemanjajo ku nganya ja magambo.

Masalimo 50:22

“Myilolecesye cenene yeleyi, jemanja ŵimkumliŵalila Mlungu, ngupakombola kumpaculanya nipo pangali ŵitamkulupusye.

Masalimo 7:2

Ni mkaŵa kungwekwelemya mpela lisimba, mpaka ku malo kukuli kwangali jwine jwakumbokasya, ni kweleko tacimbaculanya.

Misyungu 30:22

Kapolo pati asyucile mwenye, ni cisilu pati cijikwite.

Yesaya 43:13

Une ndili Mlungu nipo tinjitama masiku gosope. Pangali jwampaka apakombole kutila mu mkono wangu, pangali jwampaka apakombole kucenga yitendo yangu.”

Hoseya 2:10

Myoyo tinjilosya umakonope wawo pakulanguka kwa maganja gakwe, soni pangali ni jumo jose jutacakulupusya myala mwangu.

Sakaliya 11:6

AMBUJE* ŵatite, “Ngasinamtendela canasa jwalijose jwakutama pa cilambo capasi. Mundu jwalijose tinjimpeleka myala mwa mlongola jwakwe ni mwa mwenye jwakwe. Jemanjajo tacijonanga cilambo, nambo une ngasinimkulupusya jwalijose myala mwa jemanjajo.”

Detulonomo 28:43

“Ŵandu ŵa cilendo ŵitakatame mcilambo mwenu takaŵe ŵandu ŵakusicila ni ŵamacili, nambo jemanja timkaŵe ŵandu ŵakulaga ni ŵakulopotoka.