Malilo 5:6 - Chiyawo Bible

⁶ Twapite kuŵenda yakulya ku Iguputo ni kwa Asiliya, kuti uwe tuŵeje ni umi.

Malilo 5:6 Iomraidhean Croise

Genesesi 24:2

Abulahamu ŵatite kwa jwamasengo jwakwe jwamkulungwa juŵalolelaga cipanje cakwe cosope cene, “Mŵice mkono wenu mkati mwa yiga yanguyi.

2 Ayi 10:15

Yehu ŵapelengenye ulendo ŵakwe, ni ŵasimene ni Yonadabu mwanace jwa Lekabu, juŵayice kukumcingamila. Myoyo Yehu ŵamkomasisye jwalakwejo, ni ŵamsalile kuti, “M'mwejo ni uneji tukwete nganisyo syakulandana. Ana timŵe kunyuma kwangu kungamucisya?” Yonadabu ŵajanjile kuti, “Elo, tinakamucisye.” Yehu ŵatite, “Naga yimkuŵecetayo yili yakuwona, mungamule mkono ŵangu.” Myoyo Yonadabu ŵapelece mkono wakwe, Yehu ŵamkamwile mkono wakwewo ni ŵamkwesisye pegeleta lyakwe,

Yesaya 57:9

Mwalipakesye mawuta ni yakununjila yejinji nipo mwapite kukumlambila mlungu jwakupanganyidwa ni yala jula jwa Moleki. Mwatesile kwatuma ŵandu kutali, mwatumile atamose ku malembe kwene.

Yelemiya 2:18

Nambi sambano timcipata cici pa ndaŵi jitimciwujila ku Iguputo, kukumwa mesi ga mu Lusulo lwa Nayilo? Ana mkuganisya kuti timcipata cici pitimcijawula ku Asiliya kukumwa mesi ga mu Lusulo lwa Yufuleti?

Yelemiya 2:36

Ana ligongo cici mkulinyosya mwacimsyene pagambaga kucengacenga matala genu! Iguputo tacimkamulisya liganga lya moto mpela muŵamtendekasisye jemanja soni Asiliya ŵala.

Yelemiya 50:15

Mgumile posepose pakuti alepele. Sanja syakwe sigwile, soni mapupa gakwe gajonasice. Syelesi sili mbusyo sya AMBUJE. Mwawucisyani, mwatende mpela yiŵatite ŵelewo pakwatendela ŵane.

Malilo 4:17

Meso getu gapesile ni kwembecela cikamucisyo cele cimkaniciyika. Twagambaga kwembecela kutyocela kwa mtundu wele uwaliji wangali kandu ka mpaka kupeleka.

Esek 17:18

Mwenye jwa ku Yuda ŵalepele cilanga pakasa cilanga ciŵatesile. Nginakuya yiŵalangeneyo, myoyo ngisakulupuka.”

Hoseya 12:1

Cine cilicose cakusatenda ŵandu ŵa ku Isalaeli kutyoka kundaŵi mpaka cilo yili yangali mate. Mabosa ni yitendo ya njojo ni yele yiyitupile pasikati pawo. Akusatenda yilanga ni cilambo ca Asiliya, nipo akutenda malonda ga mawuta ga olifi* ku Iguputo.”

Hoseya 5:13

“Sambano ŵandu ŵa ku Efelemu piŵaweni kuti akulwala, soni Ayuda piŵaweni kuti akwete maŵanga, Isalaeliwo ŵapite ku Asiliya, nipo Ayuda ŵatumile utenga kwa mwenye jwamkulungwa kuti ŵakamusye jemanjajo. Nambo mwenyejo ngaŵa mkwaponesya kapena kuposya maŵanga gawo.

Hoseya 7:11

Aisalaeli ali mpela ngunda jakuloŵela, jangali lunda. Akusiŵaŵilanga Aiguputo ni kwawulaga ku Asiliya kukuŵenda cikamucisyo.

Hoseya 9:3

Ŵandu ŵa ku Isalaeli ngisatama soni mcilambo ca AMBUJE, nambo taciwujila soni ku ukapolo ku Iguputo kwele kutacilyaga yakulya yelekasidwe ku Asiliya.