Malilo 5:4 - Chiyawo Bible

⁴ Tukwenela kulipila mesi gele gatukumwaga; soni sasu syakolecesya moto tukwenela kusuma.

Malilo 5:4 Iomraidhean Croise

Nehemiya 9:36

Sambano uwe tuli acikapolo lelo jino, mcilambo aci ciŵapele acinangolo ŵetu kuti alyeje mbeju syambone syakulimidwa mwelemo.

Yesaya 3:1

Sambano, AMBUJE* Ŵamaciligosope, ali ciŵandika kumsumula kutyocela ku Yelusalemu ni Yuda cikamucisyo ca mtundu uliwose cakusacikulupilila ŵandu. Taciyijigala yakulya yosope, tacigatyosya mesi gosope,

Yesaya 55:1

AMBUJE* akuŵeceta kuti, “Jemanja ŵajimkwete njota, myice, mesi gali apano. Nipo jemanja ŵimkinimkola mbiya, myice kukusuma ni kulya. Myice kukusuma finyo ni mkaka, nambo ngamlipila mbiya, ngamlipila cilicose

Detulonomo 28:48

Myoyo timkatumicile amagongo ŵenu ŵatakamtumicisye AMBUJE, ŵatimkalimbane nawo. Timkatameje ni sala, tijikamkole njota, soni tukamkamule usawuci. AMBUJE takamsawusye mwa ngalwe mpaka mli m'masile wosope konasika.