Malilo 5:2 - Chiyawo Bible

² Yindu yetu yili m'myala mwa acalendo; ŵandu ŵakwika akutama m'nyumba syetu.

Malilo 5:2 Iomraidhean Croise

Masalimo 109:11

Mundu juŵamkongwesye jwelejo, amsumule yosope yakwete; acalendo amsumule yisogosi yacitukuta cakwe.

Yesaya 1:7

Cilambo cenu ciŵele mpela ca masije, misinda jenu jijocedwe ni moto. Acalendo akucijonanga cilambo cenu mli papopo. Cilamboco ciŵele ca masije, acipaswile acalendo.

Yesaya 5:17

Sambano ŵanace ŵangondolo tacilya pelepo mpela pa mopo, nipo ŵanace ŵa mbusi tacilya ku masame.

Yesaya 63:18

Ŵandu ŵawo ŵakusagulidwa ali atemi malo gakusagulidwa ndaŵi japanandi, amagongo ŵajonasile malogo.

Yelemiya 17:4

Timcijasa cilambo cinampele kuti ciŵe cenu. Tinjimsandusya kuŵa acikapolo ŵakwatumicila amagongo ŵenu mcilambo cimkakucimanyilila. Lutumbilo lwangu luli mpela moto wawukukolela, nipo tiwucikolela mpaka kalakala.”

Yelemiya 6:12

Nyumba syawo tisicipelecedwa kwa ŵane, kupwatikapo migunda jawo ni acakongwe ŵawo ŵene. Kusyesyene, ni ligasa lyanguli tinjapa cilango ŵandu ŵakutama mcilambomo.

Esek 7:21

AMBUJE akuti, “Tinjakunda ŵandu ŵakwika kuti ŵajiŵile jemanjajo,” soni ŵandu ŵakasa malamusi tacijigala yipanje yawo ni kuyisakasya.

Esek 7:24

Tinjiyika najo mitundu ja ŵandu ŵakusakala mnope akuno kuti tasumule nyumba syenu. Ŵandu ŵenu ŵamacili ngisalikulupilila ndaŵi jele mitundu jine jiticisakasya malo gele jemanja gimkusapopelelago.

Hoseya 8:7

Naga ugwe ukumisa mbungo m'malo mwa tiligu, ugwe tiwucigowola cimbunga. Tiligu jwangali masace, ngasaŵeleka yakulya. Jukaŵelece, acalendo akalile yakulya yakweyo.

Hoseya 8:8

Aisalaeli amilidwe mwakuti aŵele mpela ciwaya cangali masengo pasikati pa mitundu jine.

Sefaniya 1:13

Yipanje yawo jemanjaji tacajiŵila nipo nyumba syawo tacisigumula. Tacitaŵa nyumba nambo ngasatamamo kapena tacipanda mipeleya nambo ngasamwa finyo jwakwe.”