Malilo 5:16 - Chiyawo Bible

¹⁶ Pangali cindu cilicose cicasigele mwa yele yitwayipocelaga. Twalemwisye, ni ligongo lyakwe tukulamulwa.

Malilo 5:16 Iomraidhean Croise

Yobu 19:9

Jwalakwejo asumwile une ucimbicimbi uŵambaga ŵandu, ni kumbula kumtwe kwangu cisoti ca ucimbicimbi.

Masalimo 89:39

Ŵalakwe akasile cilanga ciŵaciŵisile kwa jwakutumicila jwawo, aciponyisye cisindi cakwe mluwundu.

Misyungu 14:34

Cilungamo cikusakwesya mtundu wa ŵandu, nambo ulemwa ukusatesya soni ku mtundu uliwose.

Misyungu 27:24

Pakuŵa cipanje cikusamala. Ana ucimwene ngawukusasamala mpaka mipago josope ja pasogolo?

Yesaya 3:8

Yakuwona nditu Yelusalemu akonasika, nipo Yuda alimkugwa, ligongo lyakuti uŵecete ni yitendo ya ŵandu mwelemo yili yakwajimucila AMBUJE. Akumnyosya Mlungu pakulanguka.

Yelemiya 13:18

AMBUJE ŵasalile kuti nasalile mwenye ni mamagwe kuti, “Tulukani pa yitengu ya ucimwene, pakuti, yisoti yenu ya ucimwene yakusalalayo yigwile pasi.

Yelemiya 2:17

Yeleyi yimtendecekwele pa ligongo lyakuti mwalesile AMBUJE Mlungu jwenu, piŵamŵisile jemanja pa litala lyambone.

Yelemiya 2:19

Timcipegwa cilango pa ulemwa wenu pewo pakuti munganile une, tinjimjimba magambo. Mganicisye cenene ya kusakala kwakundeka une, AMBUJE, Mlungu jwenu. Mganicisye cenene ya kusakala kwakwe kwakuŵa mundu jwanganjogopa une. Une AMBUJE Mlungu Jwamaciligosope mbecete myoyo.”

Yelemiya 32:23

Ŵajinjile mcilambo muno ni kucisumula kuti ciŵe cawo. Nambo jemanjajo nginiŵapikanila, pakuti nganakuya malamusi gawo. Nambo jemanjajo nginiŵapikanila ŵalakwe, nginakuya malamusi ga ŵalakwe. Nginatendaga muŵalamulile ŵalakwe. Ali ni ligongo lyakwe ŵalakwe ayikasisye yisawusyo yosopeyi.

Yelemiya 4:18

Yeleyi yimtendecekwele jemanja Ayuda, ligongo lya ndamo syenu syakusakala ni yitendo yenu. Celeci cili cilango cenu, cili cakupweteka mnope, cakusoma mpaka mu mtima mosope.

Malilo 1:1

Ha! Msinda wa Yelusalemu uli jikajikape, nambo kalakala wagumbele ŵandu! Kala msindawu waliji wakupikanika pa cilambo cosope capasi, nambo lelo uŵele mpela jwamkongwe jwamasije. Waliji msinda wakupikanika kupunda misinda jine josope, nambo sambano uli msinda wacikapolo.

Malilo 1:18

“Pelepo AMBUJE apakombwele, ligongo une ngininampikanila jwalakwejo. Apikane jemanja, ŵandu ŵa mitundu jine; alole kulaga kwangu. Acacanda ni ŵali ŵangu apite ku ukapolo.

Malilo 1:20

“Alole ŵalakwe AMBUJE mwele mungulajila mu mtima mwangu! Mtima wangu ukudandawula ni canasa ligongo lya ulemwa wangu. M'misewu ŵandu agamba kuwulajidwa ni mawupanga; m'nyumba soni mwana ciwa.

Malilo 1:8

Ŵandu ŵa mu Yelusalemu ŵalemwisye mnope, mwamti aŵele ŵakunyalaya. Wosope ŵele ŵaŵamcimbicisyaga, akumnyosya sambano, ligongo lyakuti agaweni makonope gakwe. Jwalakwe agamba gumila nipo akulola kumbali.

Malilo 2:1

AMBUJE* ni lutumbilo lwakwe awunicile Siyoni* ni cipi. Kusalala kwakwe kwa kwinani akutesile kuŵa masame. Pa lisiku lya lutumbilo lwakwe nginajawula atamose ku Nyumba jakwe.

Malilo 4:13

Nambo ayi yatendecekwe ligongo lya ulemwa* ŵa ŵakulocesya ni ŵakutaga mbopesi ŵawo ni ŵiŵatendesye ciwa ca ŵandu ŵangalemwa.

Esek 21:26

Ni yinguti Une AMBUJE Mlungu. Mwule nduŵila jenu ni cisoti ca ucimwene. Yindu ngayiŵa muyaŵelele kala. Mwakwesye ŵakulaga! Mwatulusye ŵele ŵakulamulila!

Mika 6:13

Ali ni ligongo lyakwe ndandite kumlagasya ni kumjonaga ligongo lya ulemwa wenu.

Chunukuko 2:10

Mkatenda woga ni yisawusyo yimkusimana nayo. Satana tacimponya ŵane ŵa jemanja mu ukayidi kuti amlinje, nipo timcilaga kweleko kwa masiku likumi. Mŵeje ŵakulupicika, atamose mli mkuyiwona kuti tiyimjigalile ku ciwa, nipo une tinjimpa umi mpela mbote pakupunda kwenu.

Chunukuko 3:11

Ngwisa pangakaŵa. Mcikamulisye mnope cele cimkwete, kuti jwine akamsumula mbote jenu jajikulosya kuti mpundile.

1 Sam 7:6

Myoyo wosope ŵene ŵasongene ku Misipa. Jemanjajo ŵatecile mesi ni kugakusula mpela mbopesi ja kwa AMBUJE nipo nganalya lyele lisikulyo. Nipo ŵaŵecete kuti, “Uwe twalemwecesye AMBUJE.” (Kwaliji ku Misipa kuŵalamulaga Samuele magambo ga Aisalaeli).