Malilo 5:1 - Chiyawo Bible

¹ Ŵalakwe AMBUJE* akumbucile yele yiyatuwonecele uwe. Atulole uwe, nalole mwele muŵatunyocesyaga.

Malilo 5:1 Iomraidhean Croise

Nehemiya 1:3

Jemanjajo ŵanjanjile kuti, “Ŵandu ŵawusile kutyocela ku ukapolo ŵala ali pa yipwetesi yekulungwa nipo sikwatenda soni. Mapupa ga msinda wa Yelusalemu gagumwice nipo yipata yakwe yapile ni moto.”

Nehemiya 1:8

Akumbucile maloŵe giŵamsalile jwakutumicila jwawo Mose gakuti, ‘Naga jemanja Aisalaeli ngamkulupicikaga, une tinjimpwilinganya jemanja pasikati pa ŵandu ŵa yilambo yine.

Nehemiya 4:4

Nambo une napopesile kuti, “AMBUJE* Mlungu jwetu, apikane mwakutunyocesya uwe. Apikane mapopelo getu, soni ŵakunde kuti maloŵe gakunyosyago gawujilile acimsyene. Ŵalece kuti asumulidwe katundu jwawo josope soni ajigalidwe kwawula ku ukapolo ku cilambo ca cilendo.

Yobu 10:9

Akusaliŵalila ŵalakwe Mlungu kuti ŵambanganyisye une ni lilongo. Ana akusaka kumbucisya soni ku luwundu kukoko?

Yobu 7:7

Mlungu jwangu akaliŵalila kuti, umi wangu uli mpela mpweya; soni meso gangu ngasigawona soni yindu yambone.

Masalimo 119:153

Ayilole yisawusyo yangu, ni kungulupusya, ligongo ngingugaliŵalila malamusi gawo.

Masalimo 74:18

Akumbucile, Ŵalakwe AMBUJE,* kuti amagongo akasiŵaseka mwa cipongwe. Ŵandu ŵacipongwe akulicembulusya lina lyawo.

Masalimo 79:12

Ŵalakwe AMBUJE ŵawucisye cilango kasano ni kaŵili ŵandu ŵa ngosyo sine, ligongo lyakunyosya ku ŵanyosisye ŵalakwe kula.

Masalimo 79:4

Tuŵele ŵakwaluka kwa acalongo acimjetu, ŵandu ŵa mitundu jine* akututenda cipongwe ni kutuseka.

Yesaya 62:6

M'mwe Yelusalemu, Pa yipata yenu mbisile alonda, musi wosope ni cilo cosope ngasagamba kutama ngaŵeceta. Jemanja ŵimkusakumbusya AMBUJE ya yilanga yawo, mkapumula.

Yelemiya 15:15

Une natite kuti, “Ŵalakwe AMBUJE akusamanyilila yosope. Angumbucile soni angamucisye. Apelece cilango kwa ŵandu ŵakulagasya. Andendele canasa, akasumula umi. Alole yisawusyo yingusimana nayo ligongo lya ŵalakwe.

Yelemiya 51:51

Jemanja mkuŵeceta kuti, ‘Tukutenda soni ligongo lyakunyosya kutupocele. Ngope syetu sikutenda soni ligongo lya ŵa cilendo ŵajinjile ku maluŵala gakusagulidwa ga Nyumba ja AMBUJE.’

Malilo 1:11

Ŵandu ŵakwe ŵagumilaga katema kiŵasosaga yindu yakulya kuti alye. Ŵatindanyaga cipanje cawo ni yakulya kuti aŵe ni umi. Ŵanduwo ŵalisile acitiji, “Mundole une, AMBUJE, alole mwele mungulajila.”

Malilo 1:20

“Alole ŵalakwe AMBUJE mwele mungulajila mu mtima mwangu! Mtima wangu ukudandawula ni canasa ligongo lya ulemwa wangu. M'misewu ŵandu agamba kuwulajidwa ni mawupanga; m'nyumba soni mwana ciwa.

Malilo 1:9

Usakwa wakwe wawonecele mwangasawusya, nambo jwalakwe nganalosya kudandawula ni yakumgwila kusogolo. Kugwa kwakwe kwaliji kwakogoya; mwamti paliji pangali jwalijose jwakumtulasya mtima wakwe. Amagongo ŵakwe apundile, nipo jwalakwe agamba kulilila AMBUJE kuti ŵatendele canasa.

Malilo 2:15

Ŵandu ŵakupita mu msindawo agamba kumlola ni kumnyosyaga. Akusapukunya mitwe jawo ni kusekaga masame ga Yelusalemu. “Ana msinda wakunonyelwa ula nawu? Ana awu ni msinda wakusangalasya cilambo cosope capasi ula?”

Malilo 2:20

Alole AMBUJE! Ana ligongo cici akutupa cilango camti myiyi? Acakongwe akulya ŵanace ŵawo ŵiŵanonyelaga mnope! Ŵakutaga mbopesi ni ŵakulocesya agamba kuwulajidwa m'Majumba gakulambila.

Malilo 3:19

Ngusakumbucila yisawusyo yangu, soni kuŵa jwangali pakutama, yili mpela yakumwa ya ululu mnope.

Malilo 3:50

mpaka AMBUJE talole pasi pano kutyocela kwinani ni kutuwona uwe mutukulajila.

Malilo 3:61

“Ŵalakwe AMBUJE ŵapikene jemanjajo ali mkunyosya une nipo soni yiswamba yiŵalinganyicisye kuti andendele.

Habakuku 3:2

Mbikene yejinji ya ŵalakwe AMBUJE, nipo masengo gawo ŵalakwe AMBUJE une ganjogoyisye. Ayitende soni masiku agano yindu yekulungwa yiŵatendaga kala. Atendeje canasa, atamose ali atumbile.

Luka 23:42

Ni jwatite kwa Yesu kuti, “Akangumbucile pitakajinjile mu Ucimwene wawo.”