Malilo 4:9 - Chiyawo Bible

⁹ Ŵandu ŵiŵawile ku ngondo ŵaliji ŵana upile kulekangana ni ŵiŵawile panyuma pakwe, ŵandu ŵeleŵa ŵalepetalaga ni kulaga panandipanandi mpaka kuwa ligongo lyakusoŵa yakulya kuti aŵe ni umi.

Malilo 4:9 Iomraidhean Croise

2 Ayi 25:3

Pa lisiku lya msano ni mcece lya mwesi wa mcece, caka cicoco, sala jayice pakusakala, kwakuti ŵandu ŵa mu msindawo nganakola yakulya yiliyose,

Ekisodo 16:3

“Yikaliji cenene AMBUJE* akatuwulaje uweji ku Iguputo kulakula, kutwaliji mkutama tuli mkulya nyama ni mikate, twaliji mkwikuta. Nambo jemanja mtujigele uweji mpaka ku cipululu kuno kuti mtuwulaje wosopewe ni sala.”

Yesaya 22:2

Msinda wosope usokonecele, ugumbele ni masegwe. Ŵandu ŵenu ŵakuwulajidwa nginawulajidwa ni upanga, kapena kuwila ku ngondo.

Yelemiya 16:4

Wosopewo taciwa ni yilwele yakogoya. Ngasiŵalila malilo kapena kwasika m'malembe. Jemanjajo taciŵa mpela ndoŵe syakwasicila pasi. Taciwulajidwa ku ngondo, soni ŵane taciwa ni sala, nipo mitembo jawo tijiciŵa cakulya ca yijuni ni yilombo yakwitinji.”

Esek 24:23

Nduŵila jawo taciwala mu mtwe mwawo, sapato soni timciwala. Ngasimlila malilo kapena koposya misosi, nambo tacilaga mnope ligongo lya ulemwa* wawo nipo tacigambaga kuwuwulilana.

Esek 33:10

AMBUJE ŵaŵecete ni une acitiji kuti, “M'mwe mwanace jwa mundu, mwawilicisye Aisalaeli ayila yiŵaŵecetaga yila kuti: ‘Tusitopelwe ni ulemwa wetu ni yitendo yangalumbana yele yitwatesile yitukuganda nayo sambano. Ana uwe mpaka tuŵe ni umi uli?’

Esek 4:16

Ni ŵaŵecete soni kuti, “M'mwe mwanace jwa mundu, tinanandiyicisye mkate ŵandu ŵa ku Yelusalemu. Ŵanduwo taciŵa ŵakudandawula ligongo tacilingaga yakulya yele yitacilyaga ni mesi gitacimwaga.

Esek 7:15

Akumenyana m'misewu, m'majumba mwana yilwele ni sala. Ŵandu ŵakutama m'misi taciwa ni ngondo, ni ŵakutama m'misinda taciwa ni yilwele ni sala.

Lefitiko 26:39

Ŵandu ŵamnono ŵatimcisigala ŵangaŵaga ŵa mcilambo ca cilendo, timcilaga mcilambo ca cilendo ligongo lya ulemwa* wenu ni ulemwa wa acinangolo ŵenu.

Detulonomo 28:51

Jemanjajo takalyeje yilangwa yenu ni mbeju syenu, ni timciwape ni sala. Ngisamlecela amta lusongolo lumo lwa tiligu, soni ngisamlecela finyo, mawuta ga olifi, ng'ombe kapena ngondolo, ni timciwa ni sala.