Malilo 4:8 - Chiyawo Bible

⁸ Nambo sambano pangali ŵakwamanyilila m'misewu, ligongo ngope syawo siŵele syepiliwu mpela cenjelele; yilu yili yikwinyetekwinyete, ni kumula kwa mpela citela.

Malilo 4:8 Iomraidhean Croise

Yobu 19:20

Cilu cangu cigandile, mwakuti ngulupucile mkamwa mwa mbusi ku ciwa.

Yobu 2:12

Piŵaliji ciŵandika kwika ku nyumba ja Yobu, ŵam'weni jwalakwejo nambo jemanjajo nganam'manyililaga jwalakwejo, kaneko acimjakwewo ŵatandite kulila mwakugumila nipo ŵapapwile yakuwala yawo, kaneko ŵatasile luwundu m'mitwe mwawo.

Yobu 30:30

Cilu cangu citandite kuŵilila ni kunyenyeka, soni mawupa gangu gakutenda mtukuta ligongo lya ciwawasa.

Yobu 33:21

Cilu cakwe cikusaganda, mwakuti atamose mawupa gakwe gigaliji mkanigawoneceje ni kala kose gakusatanda kuwoneka.

Masalimo 102:11

Masiku gangu gali ciŵandika kumala, mpela mbwilili wa ndaŵi jegulo, nipo nyasile mpela manyasi.

Masalimo 119:83

Mbesile mpela msaku ŵa lipende wewucilile ni lyosi, nambo ngingugaliŵalila malamusi gawo.

Masalimo 32:4

Pakuŵa cilo ni musi mkono wakwe wawusito ŵasajice nawo pa une, kwakuti macili gangu gamasile, mpela mugakunyalila masamba ni lyuŵa lya ndaŵi ja cawu.

Masalimo 38:3

Mcilu mwangu mwangali macili ligongo lya ukali wawo; mwangali kose macili m'mawupa mwangu ligongo lya ulemwa* wangu.

Yesaya 52:14

Ŵandu ŵajinji piŵam'weni ŵatutumwice, ligongo ngope jakwe ŵajipwetece mnope, kwakuti nganijiŵa soni mpela ja mundu. Uwonece wakwe nganiwuŵa soni mpela wa mundu.

Malilo 5:10

Cilu cetu cikolela moto mpela cili mu ufuni ligongo lya ululu wa sala.

Yoweli 2:6

Ŵandu ŵa mitundu jine* akusatenda woga naga ŵaweni jemanjajo, mwakuti ngope syawo syawonekaga syakugwa.

Nahumu 2:10

Msinda wa Ninefe ujonasice, uli masame, soni wangali ŵandu! Mitima jasamile ligongo lya woga; malungo gakutetemela, macili gamasile; ngope syacenjile ni woga.

Luka 10:11

‘Atamose luwundu lwa mu msinda mwenu lwalukanilile ku sajo syetu tukumpatila jemanja. Nambo m'manyilile kuti Ucimwene wa Mlungu uyice ciŵandika ni jemanja.’