Malilo 4:7 - Chiyawo Bible

⁷ Ŵakulamula ŵetu ŵaliji ŵaswela kupunda matalila, ŵaliji ŵamacili ni ŵakulimbangana, soni ŵakulaga ni umi wambone, usalale wawo waliji mpela maganga ga mtengo wapenani ga safilo.

Malilo 4:7 Iomraidhean Croise

Yobu 28:16

Atamose golidi jwa mtengo wapenani mnope jwa ku Ofili, ngaŵa mkwika pakulandana mtengo wakwe ni lunda, nombe nago maganga ga onikisi ni safilo ngaŵa mkulandana mtengo wakwe.

Yobu 28:18

Mtengo wa lunda uli wakupunda mnope maganga ga kolali ni klisitala soni mtengo wakwe ukusapunda maganga ga lubi.

Masalimo 144:12

Ŵanace ŵetu ŵa acalume mu ucanda wawo, aŵe ŵamacili mpela yitela, ŵanace ŵetu ŵa acakongwe aŵe ŵakusalala mpela njalamila syakusalalisya nyumba ja mwenye.

Masalimo 51:7

Aswejesye ni hisope* ni timbe jwamswela anjojesye ni tiswejele mbee kugapunda utandi.

Ekisodo 24:10

Ŵawonegene ni Mlungu jwa Aisalaeli. Pasi pa sajo syakwe paliji pana cine cakwe cakuwoneka mpela msewo wepanganyidwe ni liganga lya safilo lyakuwoneka mpela liwunde.

Nyimbo ja Solomoni 5:10

Jwakunonyelwa jwangu ali jwakusalala soni jwakulimbangana; ali soni jwakumanyika pasikati pa ŵandu 10,000.

Nyimbo ja Solomoni 5:15

Ngongolo syakwe sili mpela migomba ja maganga gakutamilicika pa yilimbilimbi ya golidi. Cilu cakwe cakulimbangana cili mpela Matumbi ga ku Lebanoni, ni yitela yakwe ya sida yayilewu mnope.

Daniele 1:15

Gali gapite masiku likumi, Daniele ni acimjakwe ŵaliji ŵamacili soni ŵa umi wambone kwapunda acacanda ŵane wosope, ŵele ŵiŵalyaga yakulya ya kwa mwenye.

Luka 1:15

Jwalakwejo taciŵa jwamkulungwa pameso pa Ambuje. Jwalakwejo ngasaŵa jwakumwa yakumwa mpela finyo kapena cine cilicose cakukolelwesya. Jwalakwejo taciŵa jwakulongoleledwa ni Msimu Ŵaswela kutyocela pa ndaŵi jakupagwa kwakwe.

Ŵakulamula 13:5

nipo pitacipagwa mwanagwenu mkasimlogwa kumsenga umbo syakwe, ligongo kutandila lisiku lyakupagwa kwakwe mcandajo taciŵa mnasili kwa Mlungu. Jwalakwe tacipanganya masengo gakwakulupusya Aisalaeli kwa Afilisiti.”

Ŵakulamula 13:7

Nambo yiŵasalile ni yakuti une tingole cilu ni kuŵeleka mwanace jwamlume. Ŵasalile kuti ngamwa finyo jwa mtundu uliwose kapena ukana kapena kulya cakulya cigakukana malamusi ga Mlungu, ligongo mcandajo taciŵa kwa Mlungu mnasili mu umi wakwe wosope.”

Ŵakulamula 16:17

Pambesi pakwe, ŵamwulile ŵamkwakwewo yakuwona yakwe. Ŵasalile kuti, “Nganisenjeje umbo syangu cipagwile.” Jwamlumejo jwatite myoyo. “Ŵambelece kwa Mlungu mpela mnasili cipagwile. Kwamba kusenga umbo syangu, tinjiŵa jwangali macili mpela jwine jwalijosejo.”

1 Sam 16:12

Myoyo Yese ŵatumisye mtenga kuti akamŵilanje. Jwalakwe ŵaliji mcanda jwakusalala jwagangalama jwakutesya lung'wanu soni jwakulola mwakalamuka. Pelepo AMBUJE ŵamsalile Samuele kuti, “Ni jweleju, mpakasyeni mawutago.”