Malilo 4:5 - Chiyawo Bible

⁵ Ŵandu uŵalile yakulya yambone mnope akuwa ni kulaga ku misewu; nipo ŵele ŵiŵaleledwe ni umi wangasoŵa yindu, akupalapasa pa citutu kusosa yakulya.

Malilo 4:5 Iomraidhean Croise

2 Sam 1:24

“Jemanja acakongwe ŵa ku Yelusalemu, mumlilile Saulo. Mwawalaga yakuwala yambone yecejewu ligongo lya jwalakwe jula, soni mwaŵikaga yakusalalisya ya golidi* pa yakuwala yenu.

2 Ayi 18:27

Nambo jwamkulungwa jwa asilikali jula ŵajanjile kuti, “Ana mkuganicisya kuti mwenye jwangu ŵandumile kuti mbecete gele maloŵega kwa jemanjape pamo ni mwenye ŵenu peŵa basi? Iyayi, nguŵeceta soni kwa ŵandu ŵali pa mlangowo, ŵeleŵa tacilya yakusakala yakopoka mcilu mwawo ni kumwa makweso gawo, mpela mutimcitendela jemanja.”

Yobu 24:8

Akusanyoŵa ni ula jakutyocela mwitumbi, akusakanilila kutama kusi kwa lwala ligongo lyakusoŵa malo gakutama.

Misyungu 31:21

Pati kusisime mnope, ngakusadandawula kose ya ŵandu ŵa pa liŵasa lyakwe, pakuti akusamanyilila kuti wosopewo awete yakuwala yakutukutila mnope.

Malilo 1:11

Ŵandu ŵakwe ŵagumilaga katema kiŵasosaga yindu yakulya kuti alye. Ŵatindanyaga cipanje cawo ni yakulya kuti aŵe ni umi. Ŵanduwo ŵalisile acitiji, “Mundole une, AMBUJE, alole mwele mungulajila.”

Luka 15:16

Jwalakwejo jwasosaga kumasya sala pakulya makoŵa gigaliji mkulilidwa ni maguluŵego, nambo nganapagwa mundu jwalijose jwakumpa jwalakwejo cikamucisyo cilicose ca pa umi wakwe.

Luka 16:19

“Jwapali mundu jwine jwakusicila juŵawalaga yakuwala yakusalala ni ya mtengo wapenani, jwalakweju jwaliji mkusangalala pa kulya yakunong'a ndaŵi syosope.

Luka 7:25

Nambi mwatiji mkuja kulola cici? Ana mundu jwawete yakuwala yetependale? Iyayi ŵandu ŵakusawala mwamti myoyo, akusatama mu umi wangasoŵa cilicose soni akusatamaga m'majumba ga ucimwene.

1 Timoseo 5:6

Nambo jwamkongwe jwam'wilwe jwakusagamba kulisangalasya ni ya pasi pano, jwalakwejo awile kala atamose kuti ali cijumi.