Malilo 4:4 - Chiyawo Bible

⁴ Akusiŵaleka ŵanace ŵawo kuti awe ni sala ni njota; ŵanace akuŵenda yakulya nambo pangali jwine jwalijose jwampaka ŵape jemanjajo.

Malilo 4:4 Iomraidhean Croise

2 Ayi 18:27

Nambo jwamkulungwa jwa asilikali jula ŵajanjile kuti, “Ana mkuganicisya kuti mwenye jwangu ŵandumile kuti mbecete gele maloŵega kwa jemanjape pamo ni mwenye ŵenu peŵa basi? Iyayi, nguŵeceta soni kwa ŵandu ŵali pa mlangowo, ŵeleŵa tacilya yakusakala yakopoka mcilu mwawo ni kumwa makweso gawo, mpela mutimcitendela jemanja.”

2 Ayi 25:3

Pa lisiku lya msano ni mcece lya mwesi wa mcece, caka cicoco, sala jayice pakusakala, kwakuti ŵandu ŵa mu msindawo nganakola yakulya yiliyose,

Masalimo 137:6

Lulumi lwangu lunyambatile mkamwa mwangu, naga ngumliŵalila m'mwe Yelusalemu, ni kumwona kuti mli ŵakusangalasya ŵangu.

Masalimo 22:15

Kungulo kwangu kujumwile mpela lupale, ni lulumi lwangu lunyambatile mwinani mwa mkamwa mwangu, ni ŵalakwe andesile mluwundu; kuti mbwile mwelemo.

Yesaya 5:13

Myoyo ŵandu ŵangune tacijigalidwa kuŵa acikapolo, ligongo lya ungapikanicisya. Acimlongola ŵawo ŵakucimbicikwa taciwa ni sala, nipo ŵandu ŵane ŵajinji taciwa ni njota.

Yelemiya 14:3

Acimlongola ŵawo ŵakupikanika mnope akwatuma ŵamasengo ŵawo kuti akatece mesi. Jemanjajo akwawula ku yisima nambo ngagasimana mesi, myoyo akuwujilila ni malulo gangali mesi. Jemanjajo akutendaga soni ni kumalilwa lunda, myoyo akusisaga ngope syawo.

Malilo 1:11

Ŵandu ŵakwe ŵagumilaga katema kiŵasosaga yindu yakulya kuti alye. Ŵatindanyaga cipanje cawo ni yakulya kuti aŵe ni umi. Ŵanduwo ŵalisile acitiji, “Mundole une, AMBUJE, alole mwele mungulajila.”

Luka 10:11

‘Atamose luwundu lwa mu msinda mwenu lwalukanilile ku sajo syetu tukumpatila jemanja. Nambo m'manyilile kuti Ucimwene wa Mlungu uyice ciŵandika ni jemanja.’

Detulonomo 28:48

Myoyo timkatumicile amagongo ŵenu ŵatakamtumicisye AMBUJE, ŵatimkalimbane nawo. Timkatameje ni sala, tijikamkole njota, soni tukamkamule usawuci. AMBUJE takamsawusye mwa ngalwe mpaka mli m'masile wosope konasika.

Detulonomo 32:24

Tinjatumicisya sala jakogoya; malungo ni yilwele yakuwa nayo. Tinjatumicisya yilombo yamwitinji kuti yasawusye. Majoka ga ululu tigacaluma.