Malilo 4:2 - Chiyawo Bible

² Acacanda ŵa ku Siyoni* ŵaliji ŵakusangalasya kwetuwe mpela golidi, nambo sambano akujigalidwa mpela mipika wamba ja lilongo.

Malilo 4:2 Iomraidhean Croise

Yesaya 30:14

Tiyiciŵa mpela kukasika kwa ciŵiga, cele cili cekasiciletu, mwakuti atamose lupale lwakupalila moto ngapatikana kapena lwakutecela mesi mcisima.”

Yesaya 51:18

Pangali jwine jwakumlongolela, sikati ja ŵanace ŵacalume wosope ŵimwaŵelece. Pangali atamose jumo jwakumkamula pamkono sikati ja ŵanace wosope ŵimwalelite.

Yelemiya 19:1

AMBUJE* ŵasalile kuti, “Mjawule mkasume lulo lwa litaka kwa mundu jwakugumba ulo. Mwajigale soni acakulungwakulungwa ŵane ni ŵakutaga mbopesi ŵane ŵali ŵacikulile,

Yelemiya 19:11

Myoyo timwasalile kuti, amu ni mutinjajonanjila ŵandu ŵeleŵa, mpela mwele jwakugumba malulo mwakusakasila lulo lwakwe, mwakuti ngaŵa mkomboleka kulugumba soni. Ŵandu ŵawewo tacisicidwa ku Tofeti, pa ligongo lyakuti kwine kulikose tikuciŵa kuli kwangali malo gakuti ŵasice jemanjajo.

Yelemiya 22:28

Une natite kuti, “Ana Yehoiyakiniju aŵele mpela lulo lwakunyosyeka, lwakasika, cindu cangakucisamala ŵandu? Nambi ligongo cici jwalakweju ni ŵanace ŵakwe akwatyosya ni kuja kukwaŵika ku cilambo cangamanyika kose?”

Malilo 2:21

Acacanda ni ngalamba wosope ali gonegone m'misewu. Acacanda ni ŵali awulajidwe ni upanga wa amagongo. Mwawuleje mwangatendela canasa pa lisiku lya lutumbilo lwenu.

Malilo 5:12

Ŵakulamula ŵetu ŵajigele ni kuja kwakoleka pakwataŵilila makono gawo; soni acakulungwa ŵetu ngakwacimbicisya kose.

Hoseya 8:8

Aisalaeli amilidwe mwakuti aŵele mpela ciwaya cangali masengo pasikati pa mitundu jine.

Sakaliya 9:13

Tinjikamulisya masengo Yuda mpela ukunje wangu, nipo Isalaeli mpela mipamba jakwe. Tinjikamulisya masengo acalume ŵa ku Siyoni mpela upanga, pakumenyana ni ŵandu ŵa ku Gilisi.”

2 Akoli 4:7

Nambo uwe tuli yiŵiga cabe yakusunjila yipanje yeleyi. Kulosya kuti macili gekulungwa gali ga Mlungu ngaŵa uwe iyayi.

2 Timoseo 2:20

M'nyumba jajikulungwa mukusaŵa yida yakukicini yakulekanganalekangana: mukusaŵa yida ya silifa* ni golidi,* yine yayitela kapena yalitaka. Yida yine yikusaŵa yakamulicisya masengo pa cindimba cakusosekwa mnope nipo yine yikusakamula masengo ndaŵi jilijose.